பெங்களூரு லாவெல்லே வீதியில் உள்ள ஒரு உயர்தர கிளப்பிற்குச் சென்ற நபர், மதுபோதையில் அங்கிருந்தவர்களுடன் தகராறில் ஈடுபட்டுள்ளார். தனது தந்தை அந்த கிளப்பில் உறுப்பினர் என்று கூறி உள்ளே நுழைய முயன்ற அவரை, பாதுகாப்பு ஊழியர்கள் தடுத்து நிறுத்தியுள்ளனர். இதனால் ஆத்திரமடைந்த அவர், திடீரென தனது ஆடைகளை முழுமையாகக் களைந்துவிட்டு நிர்வாணமாக ரகளையில் ஈடுபட்டுள்ளார்.
சம்பந்தப்பட்ட நபர் மனநலம் பாதிக்கப்பட்டவராக இருக்கலாம் என்றும் சந்தேகிக்கப்படுகிறது. அங்கிருந்த சிசிடிவி மற்றும் செல்போன் காட்சிகளில், அந்த நபர் ஒரு சொகுசு காரின் முன்னால் நிர்வாணமாக நிற்பதும், ஆத்திரமடைந்த கார் ஓட்டுநர் அவர் மீது காரை ஏற்றிவிட்டுச் செல்ல முயல்வதும் பதிவாகி பெரும் அதிர்ச்சியை ஏற்படுத்தியுள்ளது.
இந்த விவகாரம் குறித்து கருத்து தெரிவித்துள்ள மூத்த போலீஸ் அதிகாரி, பாதுகாப்பு ஊழியர் தன்னைத் தாக்கியதாக அந்த நபர் புகார் அளித்துள்ளதாகக் கூறியுள்ளார். தற்போது பாதுகாப்பு ஊழியர் மற்றும் கார் ஓட்டுநர் ஆகிய இருவர் மீதும் வழக்குப்பதிவு செய்யப்பட்டு விசாரணை நடைபெற்று வருவதாக இந்திய செய்திகள் தெரிவிக்கின்றன.
________________________________________________________________________________________________
A disturbing incident occurred in Bengaluru where an intoxicated and allegedly mentally unstable man created a scene by stripping naked outside a high-end club after being denied entry. The situation escalated when a luxury car driver intentionally drove over him, an act captured on video. Police have since registered cases against both the security personnel involved in the scuffle and the car driver.
