கட்டுநாயக்க சர்வதேச விமான நிலையத்தில், சுமார் 10 மில்லியன் ரூபாய்க்கும் அதிக மதிப்புடைய 237 கிராம் கொக்கைன் போதைப்பொருளை மறைத்து வைத்திருந்த குற்றச்சாட்டில் வெளிநாட்டுப் பெண் ஒருவர் சுங்க போதைப்பொருள் கட்டுப்பாட்டுப் பிரிவினரால் கைது செய்யப்பட்டுள்ளார்.
கைது செய்யப்பட்டவர் அங்கோலாவைச் சேர்ந்த 54 வயதுடைய பெண் ஆவார். இவர் அங்கோலாவிலிருந்து எத்தியோப்பியாவின் அடிஸ் அபாபா நகருக்குச் சென்று, அங்கிருந்து கத்தார் நாட்டின் தோஹா வழியாக இலங்கைக்கு வந்திருப்பது விசாரணைகள் மூலம் தெரியவந்துள்ளது.
14 கொக்கைன் மாத்திரைகள் மீட்பு
விமானத்திலிருந்து இறங்கிய பின்னர், அந்தப் பெண் சக்கர நாற்காலியில் அமர்ந்து விமான நிலைய முனையத்தை நோக்கிச் சென்றுள்ளார். அவரது நடவடிக்கையில் சந்தேகம் அடைந்த சுங்க அதிகாரிகள், அவரை மறித்து தீவிர சோதனைக்கு உட்படுத்தினர்.
இந்தச் சோதனையின்போது, அவரிடமிருந்து 14 கொக்கைன் மாத்திரைகள் கைப்பற்றப்பட்டன. மேலும், இன்னும் பல மாத்திரைகளைத் தான் விழுங்கியிருப்பதாக அந்தப் பெண் சுங்க அதிகாரிகளிடம் வாக்குமூலம் அளித்துள்ளார். இந்தச் சம்பவம் குறித்து சுங்க போதைப்பொருள் கட்டுப்பாட்டுப் பிரிவு அதிகாரிகள் தொடர்ந்து மேலதிக விசாரணைகளை நடத்தி வருகின்றனர்.
A 54-year-old Angolan woman was arrested at Bandaranaike International Airport for attempting to smuggle 237 grams of cocaine, valued at over 10 million rupees. Officials intercepted the suspect after noticing suspicious behavior as she arrived via Doha; she was found with 14 cocaine capsules and has admitted to ingesting additional narcotics, leading to an ongoing investigation by customs authorities.
