யாழ்ப்பாணம் மல்லாகம் பகுதியைச் சேர்ந்த ஐவரிடம் கனடா – லக்சம்பர்க் நாடுகளில் வேலைவாய்ப்புகளைப் பெற்றுத் தருவதாகக் கூறி 8 மில்லியன் ரூபாய் மோசடி.
கனடா மற்றும் லக்சம்பர்க் ஆகிய நாடுகளுக்கு வேலைக்கு அனுப்புவதாகக் கூறி, யாழ்ப்பாணம் மல்லாகம் பகுதியைச் சேர்ந்த ஐந்து நபர்களிடம் சுமார் 8 மில்லியன் ரூபாய் பணத்தைப் பெற்று மோசடி செய்த சம்பவம் பெரும் பரபரப்பை ஏற்படுத்தியுள்ளது. இந்த மோசடியில் ஈடுபட்ட நபர், இலங்கை வெளிநாட்டு வேலைவாய்ப்பு பணியகத்தின் புலனாய்வுப் பிரிவினரால் அதிரடியாகக் கைது செய்யப்பட்டுள்ளார்.
கைது செய்யப்பட்டவர் கொலன்னாவ, வெல்லம்பிட்டி பகுதியைச் சேர்ந்த பாயிஸ் மொஹமட் நப்டிகா என்பதும், அவர் வெல்லம்பிட்டியிலேயே பதுங்கியிருந்த போது பிடிபட்டார் என்பதும் விசாரணையில் தெரியவந்துள்ளது. கடந்த 14 ஆம் திகதி கைது செய்யப்பட்ட அவர், நேற்று மாளிகாகந்த நீதவான் நீதிமன்றில் முன்னிலைப்படுத்தப்பட்டார்.
விசாரணை முடிவில், சந்தேகநபருக்கு தலா 5 லட்சம் ரூபாய் வீதம் இரண்டு சரீரப் பிணைகளில் செல்ல நீதிமன்றம் அனுமதி அளித்தது. இது தவிர, மல்லாகம் பொலிஸ் நிலையத்திலும் இவர் மீது பல்வேறு முறைப்பாடுகள் உள்ளதாக வெளிநாட்டு வேலைவாய்ப்பு பணியக அதிகாரிகள் தெரிவித்துள்ளனர்.
A man from Wellampitiya has been arrested by the Sri Lanka Bureau of Foreign Employment for defrauding five individuals from Mallakam, Jaffna, of 8 million rupees under the pretext of securing jobs in Canada and Luxembourg. The suspect was produced before the Maligakanda Magistrate’s Court and released on bail, while further complaints against him are being investigated by the Mallakam Police.
