பொலனறுவையில் இளைஞர் ஒருவர் அவரின் தந்தையாரால் வெட்டிப் படுகொலை செய்யப்பட்டுள்ளார்.
பொலனறுவை, மெதிரிகிரியை பிரதேசத்தில் நேற்று (25) இந்த அதிர்ச்சிகரமான சம்பவம் இடம்பெற்றுள்ளது. 24 வயதுடைய இளைஞர் ஒருவரே இவ்வாறு தனது தந்தையால் கொல்லப்பட்டவர் என விசாரணையில் தெரியவந்துள்ளது.
கொல்லப்பட்ட இளைஞர் போதைப்பொருள் பாவனைக்கு அடிமையானவர் என்று கூறப்படுகிறது. இதன் காரணமாக அவர் தனது தந்தையுடன் அடிக்கடி தகராறில் ஈடுபட்டு, வீட்டில் தொடர்ந்து பல குழப்பங்களை விளைவித்து வந்துள்ளார். இந்த மோதல் உச்சக்கட்டத்தை எட்டிய நிலையில், அது கொலையில் முடிவடைந்திருப்பதாக காவல்துறையினரின் முதற்கட்ட விசாரணையில் தெரியவந்துள்ளது.
இந்தச் சம்பவம் தொடர்பாக உயிரிழந்த இளைஞரின் தந்தையான 48 வயது மதிக்கத்தக்க நபரைக் காவல்துறையினர் கைது செய்துள்ளனர். இது குறித்த மேலதிக விசாரணைகளை மெதிரிகிரியை காவல்துறையினர் தொடர்ந்து முன்னெடுத்து வருகின்றனர்.
__________________________________________________________________________________________
A 24-year-old youth was tragically hacked to death by his father in Medirigiriya, Polonnaruwa, following a domestic dispute. Initial investigations reveal that the deceased was addicted to drugs and frequently caused disturbances at home, leading to the fatal confrontation. The police have arrested the 48-year-old father and are conducting further inquiries into the incident.
