அம்பாறை பகுதியில் இளம்பெண் ஒருவருக்குத் தொடர்ந்து பாலியல் தொந்தரவு கொடுத்து வந்த குற்றச்சாட்டில் 46 வயதுடைய நபர் ஒருவர் பொலிஸாரால் கைது செய்யப்பட்டுள்ளார். அக்கரைப்பற்று பிரதேசத்தைச் சேர்ந்த இவரால் நீண்டகாலமாகப் பாதிக்கப்பட்ட அந்த இளம்பெண், ஒருகட்டத்தில் பொறுமையிழந்து பொலிஸ் நிலையத்தில் முறைப்பாடு செய்துள்ளார்.
யுவதியின் முறைப்பாட்டைத் தொடர்ந்து துரிதமாகச் செயற்பட்ட பொலிஸார், சந்தேகநபரை நேற்றைய தினம் கைது செய்தனர். அவரிடம் நடத்தப்பட்ட ஆரம்பகட்ட விசாரணைகளில், அவர் அந்தப் பகுதியில் உள்ள இன்னும் பல பெண்களுக்கு நீண்டகாலமாக இதுபோன்று பாலியல் ரீதியான தொல்லைகளைக் கொடுத்து வந்தது அம்பலமாகியுள்ளது.
தற்போது பொலிஸ் காவலில் உள்ள அவரை நீதிமன்றத்தில் முன்னிலைப்படுத்துவதற்கான அனைத்து சட்ட நடவடிக்கைகளையும் பொலிஸார் மேற்கொண்டு வருகின்றனர். பெண்களின் பாதுகாப்பு கருதி இந்த விடயத்தில் மேலதிக விசாரணைகள் தீவிரப்படுத்தப்பட்டுள்ளதாக பொலிஸ் தரப்பு தெரிவித்துள்ளது.
___________________________________________________________________________________________________________________________________
A 46-year-old man from Akkaraipattu was arrested in Ampara following a complaint from a young woman regarding persistent sexual harassment. Initial police investigations revealed that the suspect had been harassing multiple women in the area for a long period, and authorities are now preparing to produce him before the court.
