தெலங்கானா மாநிலம் நல்கொண்டா மாவட்டத்தில் உள்ள கேதேபள்ளி கிராமத்தில் நெஞ்சை உலுக்கும் கொடூரமான சம்பவம் ஒன்று நடந்துள்ளது. அந்த கிராமத்தைச் சேர்ந்த நாகேஷ் என்பவருக்கு திருமணமாகி இரண்டு ஆண் குழந்தைகள் உள்ளனர். இதில் ஒரு குழந்தைக்கு வெறும் ஆறு மாதங்களே ஆகிறது.
நாகேஷுக்கும் அதே ஊரைச் சேர்ந்த ஒரு பெண்ணுக்கும் இடையே தவறான பழக்கம் இருந்துள்ளது. அந்தப் பெண்ணுக்கு ஏற்கனவே திருமணமாகியிருந்த போதிலும், இவர்கள் இருவரும் ரகசியமாகப் பழகி வந்துள்ளனர். இந்த விவகாரம் நாகேஷின் மனைவிக்குத் தெரியவரவே, தம்பதிக்குள் பெரும் சண்டை வெடித்தது. இதன் காரணமாக நாகேஷ் தனது காதலியைச் சந்திப்பதைக் குறைத்துக் கொண்டதாகத் தெரிகிறது.
தன்னைப் புறக்கணிப்பதைப் பொறுத்துக்கொள்ள முடியாத அந்தப் பெண், ஆத்திரத்தில் நாகேஷின் வீட்டிற்கே நேரடியாகச் சென்றுள்ளார். அங்கு நாகேஷின் மனைவி மற்றும் கைக்குழந்தை மீது யாரும் எதிர்பாராத விதமாகப் பெட்ரோல் ஊற்றித் தீ வைத்துள்ளார். உடலில் தீப்பற்றியதும், தன் உயிரை விடக் குழந்தையின் உயிரே முக்கியம் என நினைத்த அந்தத் தாய், குழந்தையைக் காப்பாற்றத் தூக்கி வீசியுள்ளார். ஆனால், அந்தப் பெண் சம்பவ இடத்திலேயே துடிதுடித்து உயிரிழந்தார்.
படுகாயங்களுடன் மீட்கப்பட்ட அந்த ஆறு மாதக் குழந்தையும் மருத்துவமனையில் அனுமதிக்கப்பட்ட நிலையில், சிகிச்சைப் பலனின்றி பரிதாபமாக உயிரிழந்தது. இந்தச் சம்பவம் நாகேஷின் தூண்டுதலின் பெயரிலேயே நடந்ததாக உயிரிழந்த பெண்ணின் உறவினர்கள் குற்றம் சாட்டுகின்றனர்.
இது குறித்து வழக்குப் பதிவு செய்த பொலிஸார், நாகேஷ் மற்றும் அவரது காதலியைப் பிடித்து விசாரணை நடத்தினர். விசாரணையின் முடிவில், சுஜாதா என்ற அந்தப் பெண்ணைக் கைது செய்த பொலிஸார், அவரை நீதிமன்றத்தில் ஆஜர்படுத்திச் சிறையில் அடைத்தனர்.
_______________________________________________________________________________________________
In a shocking incident in Telangana, a young woman murdered her lover’s wife and six-month-old infant by setting them on fire with petrol. The suspect, who was also married, reportedly committed the crime after the lover started distancing himself from her due to domestic disputes. The mother tragically died at the scene while trying to save her child, who later succumbed to injuries at the hospital. Police have arrested the suspect, identified as Sujatha, and are investigating the potential involvement of the husband in instigating the crime.
