களுத்துறை பகுதியில் வீடுகளுக்குச் சென்று மேலதிக வகுப்புகளை நடத்தி வந்த 31 வயதுடைய ஆசிரியர் ஒருவர், அங்கிருந்த பெண்களை ஏமாற்றி நகைகளை மோசடி செய்த குற்றச்சாட்டில் காவல்துறையினரால் கைது செய்யப்பட்டுள்ளார். அளுத்கம, கனேகம பகுதியைச் சேர்ந்த இவர், பாடம் கற்பிக்கச் செல்லும் வீடுகளில் தமக்கு அவசர பணத்தேவை இருப்பதாகக் கூறி பெண்களிடம் இருந்து நகைகளைப் பெற்றுள்ளார்.
அளுத்கம பகுதியைச் சேர்ந்த பெண் ஒருவர், தனது சகோதரனின் பிள்ளைக்குக் கற்பிக்க வந்த இவரிடம் கடந்த 2025 மார்ச் மாதம் 41 இலட்சம் ரூபாய் பெறுமதியான 12.5 பவுண் நகைகளை வழங்கியுள்ளார். அதேபோல், மற்றொரு பெண் 19 இலட்சம் ரூபாய் பெறுமதியான 6.5 பவுண் நகைகளை 2024 நவம்பரில் இவரிடம் கொடுத்துள்ளார். ஒரு மாதத்தில் திருப்பித் தருவதாகக் கூறி வாங்கிய நகைகளை அவர் மீண்டும் ஒப்படைக்காமல் ஏமாற்றியுள்ளார்.
பாதிக்கப்பட்ட பெண்கள் அளித்த புகார்களின் அடிப்படையில், களுத்துறை விசேட குற்றப் புலனாய்வுப் பிரிவினர் தீவிர விசாரணை நடத்தி சந்தேக நபரைக் கைது செய்தனர். அவர் நேற்று (12) களுத்துறை நீதவான் நீதிமன்றத்தில் ஆஜர்படுத்தப்பட்டார்.
A 31-year-old private tutor from Aluthgama was arrested for defrauding two women of gold jewelry worth 5.9 million rupees. The suspect allegedly took the jewelry from the families of his students by claiming urgent financial needs but failed to return them. Following complaints from the victims, the Kalutara Special Crimes Investigation Unit apprehended the suspect and produced him before the Magistrate’s Court.
