கடந்த ஜனவரி 18 ஆம் திகதி மாலை வேளையில் அரங்கேறிய இந்த அதிர்ச்சிகரமான சம்பவம் குறித்து இந்திய ஊடகங்கள் செய்தி வெளியிட்டுள்ளன. பாதிக்கப்பட்ட சிறுமி தனது வீட்டிற்கு வெளியே விளையாடிக்கொண்டிருந்தபோது, அவருக்குத் தெரிந்த அண்டை வீட்டுச் சிறுவர்கள் மூன்று பேர், உணவளிப்பதாக ஆசை காட்டி அருகில் இருந்த ஒரு கட்டிடத்தின் மொட்டை மாடிக்கு அழைத்துச் சென்றுள்ளனர். அங்கு வைத்து அந்தச் சிறுமிக்கு இழைக்கப்பட்ட கொடுமையால், அவர் இரத்தம் தோய்ந்த நிலையில் அழுதுகொண்டே வீட்டிற்குத் திரும்பியுள்ளார்.
ஆரம்பத்தில் தான் கீழே விழுந்துவிட்டதாக சிறுமி கூறினாலும், தாயார் விடாமல் விசாரித்தபோது தனக்கு நேர்ந்த கொடூரத்தை அவர் விவரித்துள்ளார். இதனைத் தொடர்ந்து பாதிக்கப்பட்ட குடும்பத்தினர் அளித்த புகாரின் பேரில், காவல்துறையினர் போக்சோ (POCSO) சட்டத்தின் கீழ் வழக்குப் பதிவு செய்து விசாரணையைத் தொடங்கினர்.
இந்தக் குற்றச்சாட்டில் தொடர்புடைய 10 மற்றும் 13 வயதுடைய இரு சிறுவர்கள் கைது செய்யப்பட்டு சீர்திருத்தப் பள்ளிக்கு அனுப்பப்பட்டுள்ளனர். எனினும், 16 வயதுடைய பிரதான சந்தேக நபர் தப்பியோடி பீகார் மாநிலத்தில் மறைந்திருப்பதாகக் கருதப்படுவதால், அவரைப் பிடிக்க விசேட தனிப்படைகள் அமைக்கப்பட்டுள்ளன. இச்சம்பவத்தைக் கண்டித்து அப்பகுதி மக்கள் போராட்டங்களில் ஈடுபட்டதுடன், குற்றவாளிகள் சிறுவர்களாக இருந்தாலும் அவர்களுக்குக் கடுமையான தண்டனை வழங்கப்பட வேண்டும் எனச் சிறுமியின் தந்தை வலியுறுத்தியுள்ளார். தற்போது அந்தச் சிறுமி மருத்துவமனையில் சிகிச்சை பெற்று வருகின்றார்.
______________________________________________________________________________________________
A horrific incident has come to light in Delhi’s Bhajanpura area, where a 6-year-old girl was sexually assaulted by three neighboring minors after being lured with food. Two of the suspects (aged 10 and 13) have been sent to a juvenile correction home, while police are searching for the 16-year-old prime suspect believed to be hiding in Bihar; meanwhile, the victim is undergoing medical treatment as local residents protest demanding strict punishment.
