மத்திய கிழக்குப் பகுதியில் ஏற்பட்டுள்ள பதற்றம் மற்றும் மோதல்களால், உலக வர்த்தகத்தின் முக்கிய தமனியான ஹார்முஸ் நீரிணை தற்போது மூடப்பட்டுள்ளது. இதனால் சர்வதேச கப்பல் போக்குவரத்தும் வர்த்தகமும் கடுமையாக பாதிக்கப்பட்டுள்ள நிலையில், மதிப்புமிக்க சரக்குகளை கையாள்வதற்கான சிறந்த மாற்று மையமாக இலங்கை மாறி வருகிறது. இதன் ஒரு கட்டமாக, இத்தாலியில் தயாரிக்கப்பட்ட 14 பிரம்மாண்ட லம்போகினி சொகுசு கார்கள் இலங்கை வழியாக புதிய வழியில் அனுப்பப்பட்டு வருகின்றன.
இத்தாலியில் உற்பிரிக்கப்பட்ட இந்த 14 ஆடம்பர கார்களும் கடல் வழியாக இலங்கையின் ஹம்பாந்தோட்டை துறைமுகத்தை வந்து சேர்ந்துள்ளன. அங்கிருந்து இந்த கார்கள் 7 பெரிய 40 அடி கொள்கலன்களில் வைக்கப்பட்டு, கட்டுநாயக்காவில் உள்ள பண்டாரநாயக்க சர்வதேச விமான நிலையத்திற்கு கொண்டு செல்லப்படுகின்றன. பின் அங்கிருந்து ஒரு பிரம்மாண்ட சரக்கு விமானம் மூலம் துபாய் மற்றும் கத்தார் நாட்டின் தோஹா நகரங்களுக்கு இவை அனுப்பி வைக்கப்பட இருக்கின்றன.
இந்த போக்குவரத்து பணிகளைக் கையாளும் டென்மார்க் நாட்டைச் சேர்ந்த நிறுவனத்தின் பிரதிநிதி பேசுகையில், பாதுகாப்பின்மை காரணமாக வழக்கமான வழிகள் முடங்கியுள்ள இந்தக்கால கட்டத்தில், இது போன்ற மாற்று வழிகள் இலங்கையின் தளவாட துறைக்கு மிகப்பெரிய பொருளாதார லாபங்களை பெற்றுத் தரும் என்று கூறியுள்ளார்.
இலங்கைக்கு இறக்குமதி செய்யப்பட்டுள்ள இந்த அதிநவீன கார்களின் விலை குறைந்தபட்சம் 100 மில்லியன் முதல் மிக ஆடம்பர மாடல்களுக்கு 500 மில்லியன் ரூபாய் வரை இருக்கும் என மதிப்பிடப்பட்டுள்ளது. கடந்த சில நாட்களுக்கு முன்பே ஹம்பாந்தோட்டை துறைமுகத்தை வந்தடைந்த இந்த வாகனங்களை ஏற்றிச் செல்லும் சிறப்பு விமானம், இன்று வெள்ளிக்கிழமை (21) காலை கட்டுநாயக்காவிலிருந்து புறப்பட தயாராகி வருகிறது.
Due to the closure of the Hormuz Strait amid Middle Eastern tensions, 14 luxury Lamborghini cars imported from Italy have arrived at Sri Lanka’s Hambantota port to be airlifted via Colombo to Dubai and Doha, highlighting Sri Lanka’s growing role as a vital alternative logistics hub.
