காவல்துறை எச்சரிக்கை! இணையவழி கட்டடப் பொருள் மோசடிகள் குறித்து சமூக வலைத்தளங்கள் வாயிலாகக் கட்டடப் பொருட்களை விற்பனை செய்வதாகச் சொல்லி நடக்கும் நிதி மோசடிகள் தொடர்பில் மக்கள் அனைவரும் மிகுந்த விழிப்புணர்வுடன் இருக்க வேண்டுமெனக் காவல்துறைத் தலைமையகம் அறிவுறுத்தியுள்ளது.
அஸ்பெஸ்டாஸ் தகடுகள், சிமெந்து மற்றும் பிற அத்தியாவசியக் கட்டடப் பொருட்களைச் சந்தை மதிப்பை விட மிகவும் குறைந்த விலைக்கு வழங்குவதாக விளம்பரப்படுத்தி இந்த மோசடி கும்பல் மக்களை ஈர்க்கிறது.
அதன்பின்னர், சம்பந்தப்பட்ட வாடிக்கையாளரின் ஊரில் உள்ள உண்மையான கடைக்காரரைத் தொடர்புகொண்டு, அந்தப் பொருட்களையெல்லாம் வாடிக்கையாளரின் வீட்டு முகவரிக்கு அனுப்ப ஏற்பாடு செய்வதுடன், பணப் பரிமாற்றம் எல்லாம் ஏற்கனவே முடிந்துவிட்டதாகப் போலியாக நம்பவைக்கிறார்கள்.
வீட்டுக்குத் தேவையான பொருட்கள் வந்திறங்கியதும், ஓட்டுநர் வந்து பணத்தைக் கேட்கும்போதுதான் தாங்கள் ஏமாற்றப்பட்டதை வாடிக்கையாளர்கள் தாமதமாகப் புரிந்து கொள்கிறார்கள்.
இது போன்ற ஏமாற்று வேலைகள் குறித்துத் தொடர்ச்சியாகப் பல புகார்கள் வந்துள்ளதாகக் குறிப்பிட்டுள்ள காவல்துறை, ஆன்லைன் மூலம் மலிவான விலையில் பொருட்களை வாங்கும்போது விற்பனையாளரின் உண்மையான அடையாளத்தையும், அந்த விளம்பரத்தின் நம்பகத்தன்மையையும் கட்டாயம் பரிசோதித்துக்கொள்ளுமாறு கேட்டுக்கொண்டுள்ளது.
Police Headquarters have issued a warning regarding online building material scams on social media, where fraudsters advertise low-priced goods, deceive local merchants and customers, and advise the public to verify seller identities before making purchases.
