மறுமலர்ச்சிக்கான வழி தேசிய திட்டத்தின் கீழ் வவுனியா உக்குளாங்குளம் வீதி புனரமைப்பு
வவுனியாவில் உக்கிளாங்குளம் வீதி புனரமைப்பு பணிகள் மிகச்சிறப்பாக ஆரம்பிக்கப்பட்டுள்ளன.
‘மறுமலர்ச்சிக்கான வழி’ தேசிய திட்டத்தின் கீழ், வவுனியா, உக்குளாங்குளம் திருச்செந்தூரன் மில் வீதியை கொன்கிரீட் இட்டு புனரமைக்கும் பணிகள் கூட்டுறவு அபிவிருத்தி பிரதி அமைச்சர் உபாலி சமரசிங்க தலைமையில் இன்று வெகுவிமரிசையாக ஆரம்பித்து வைக்கப்பட்டது.
மாகாணசபைகள், நெடுஞ்சாலைகள், போக்குவரத்து மற்றும் நகர அபிவிருத்தி அமைச்சின் நிதி ஒதுக்கீட்டின் கீழ் தான் இந்த முக்கிய வீதியின் புனரமைப்புப் பணிகள் தொடங்கப்பட்டுள்ளன.
சுமார் 1.25 கிலோமீற்றர் நீளமுடைய இவ்வீதி கடந்த காலங்களில் மிகவும் மோசமடைந்ததாகக் காணப்பட்ட நிலையில், இதற்காக 53.2 மில்லியன் ரூபா நிதி ஒதுக்கப்பட்டு வெறும் மூன்று மாத காலப்பகுதிக்குள் அனைத்துப் பணிகளையும் வெற்றிகரமாக நிறைவு செய்யத் திட்டமிடப்பட்டுள்ளது.
இந்த வீதி முழுமையாகப் புனரமைக்கப்படுவதன் மூலம் வவுனியா உக்குளாங்குளம், கூமாங்குளம் உள்ளிட்ட பல கிராமங்களைச் சேர்ந்த மக்களுக்கான போக்குவரத்து வசதிகள் மிகவும் இலகுவடைவதுடன், 400 க்கும் மேற்பட்ட குடும்பங்கள் இதன் மூலம் நேரடியாகப் பலன்களைப் பெறுவர்.
இந்தச் சிறப்பான நிகழ்வில் தேசிய மக்கள் சக்தியின் வன்னி மாவட்ட நாடாளுமன்ற உறுப்பினர்களான எம்.ஜெகதீஸ்வரன், செ. திலகநாதன், வவுனியா பிரதேச செயலாளர் இ.பிரதாபன் மற்றும் வவுனியா தெற்கு தமிழ் பிரதேச சபையின் பிரதிநிதிகள், அரசு அதிகாரிகள், அப்பகுதிப் பிரதேச வாசிகள் எனப் பலரும் கலந்துகொண்டு சிறப்பித்தனர்.
Under the ‘Path to Renaissance’ national project, concrete reconstruction work on the 1.25 km-long Thiruchenduran Mill Road in Ukkulankulam, Vavuniya, has officially commenced under the patronage of Deputy Minister Upali Samarasinghe to benefit over 400 families.
