கம்பஹா மாவட்டத்தின் யக்கல பகுதியில், வெளிநாட்டில் தயாரிக்கப்பட்ட இரண்டு கையெறி குண்டுகள் மற்றும் பல்வேறு வகையான தோட்டாக்களுடன் நபர் ஒருவர் கைது செய்யப்பட்டுள்ளார். அவரிடம் இருந்த இந்த ஆயுதங்களை பொலிஸார் கைப்பற்றியுள்ளனர்.
கடந்த ஜூலை 16 அன்று இரவு, கொழும்பு மாவட்ட குற்றத்தடுப்புப் பிரிவினர் யக்கல பொலிஸ் பிரிவுக்கு உட்பட்ட பகுதியில் மேற்கொண்ட திடீர் சோதனையின் போதே இந்த நபர் சிக்கியதாக பொலிஸ் ஊடகப் பிரிவு உறுதிப்படுத்தியுள்ளது.
பல இலட்சம் பெறுமதியான பொருட்கள் மீட்பு
இந்த சோதனையின் போது, வெளிநாட்டுத் தயாரிப்பிலான 02 கையெறி குண்டுகள், 32 கைத்துப்பாக்கி தோட்டாக்கள், எம்-16 ரக துப்பாக்கிக்கு உரிய ஒரு தோட்டாக்கூடு மற்றும் 11 தோட்டாக்கள், அத்துடன் 06 சுழல் துப்பாக்கித் தோட்டாக்கள் எனப் பல இலட்சம் ரூபாய் பெறுமதியான ஆயுதங்கள் பொலிஸாரால் கைப்பற்றப்பட்டுள்ளன.
மேலும், சட்டவிரோதமான முறையில் வரி ஏய்ப்பு செய்து நாட்டிற்குள் கொண்டுவரப்பட்ட 34,000 சிகரெட்டுகளும் சோதனையின் போது மீட்கப்பட்டதாக பொலிஸ் தரப்பில் தெரிவிக்கப்பட்டுள்ளது.
இந்த சம்பவத்துடன் தொடர்புடைய சந்தேகநபர் ராகம பகுதியைச் சேர்ந்த 42 வயதுடைய நபர் என்பது குறிப்பிடத்தக்கது. தற்போது அவர் கைது செய்யப்பட்டுள்ள நிலையில், சம்பவம் குறித்து கொழும்பு மாவட்ட குற்றத்தடுப்புப் பிரிவினர் மேலதிக விசாரணைகளைத் தீவிரப்படுத்தியுள்ளனர்.
A 42-year-old man from Ragama was arrested in Yakkala, Gampaha, following a police raid on July 16, 2026. Authorities seized two foreign-made hand grenades, various types of ammunition, and a large quantity of smuggled cigarettes valued at several lakhs, with the Colombo District Crimes Division currently conducting further investigations into the incident.
