மட்டக்களப்பில் உடைந்து வீழ்ந்துள்ள புதிய பாலத்துக்கு பதிலாக பெய்லி ரக பாலத்தை தற்காலிமாக அமைப்பதற்கு நடவடிக்கை எடுக்கப்பட்டுள்ளதாக, அமைச்சர் சுனில் ஹந்துன்நெத்தி தெரிவித்தார்.
இதன்படி, இந்த தற்காலிக பாலத்தை நிர்மாணிக்கும் பணிகள் வரும் வியாழக்கிழமை முதல் முறைப்படி தொடங்கப்படும் என்று அமைச்சர் குறிப்பிட்டுள்ளார்.
பாலத்தை விரைவாக அமைப்பது தொடர்பாக வீதி அபிவிருத்தி அதிகாரசபையினர் மிகவும் துரிதமாகப் பணிகளை முன்னெடுத்து வருவதாகவும் அவர் மேலும் கூறினார்.
ஏறத்தாழ 40 ஆண்டுகள் பழமையான இந்த மட்டக்களப்பு புதுப்பாலத்தில் வெடிப்புகள் ஏற்பட்டிருந்த விவகாரம் குறித்து ஏற்கனவே அதிகாரிகள் தரப்பில் அறிக்கை சமர்ப்பிக்கப்பட்டிருந்ததாக அமைச்சர் சுட்டிக்காட்டினார்.
இவ்வாறானதொரு பின்னணியில் தான், கடந்த 28 ஆம் திகதி மாலை வேளையில் எதிர்பாராத விதமாக இந்தப் பாலம் முற்றாக இடிந்து விழுந்துள்ளது.
அப்பகுதியில் புதிய நிரந்தர பாலம் ஒன்று கட்டி முடிக்கப்படும் வரை, தற்போது தற்காலிகமாக அமைக்கப்படவுள்ள பெய்லி பாலமே போக்குவரத்துக்காகப் பயன்படுத்தப்படும் என அமைச்சர் சுனில் ஹந்துன்நெத்தி தெளிவுபடுத்தியுள்ளார்.
தற்போது இடிபாடுகளுக்குள்ளாகியுள்ள மட்டக்களப்பு புதுப் பாலமானது, மட்டக்களப்பு நகருக்குள் நுழைவதற்கான மிக முக்கியமான பிரதான நுழைவாயில்களில் ஒன்றாகத் திகழ்ந்தது.
குறிப்பாக மட்டக்களப்பு போதனா வைத்தியசாலை, நகரில் உள்ள பாடசாலைகள் உள்ளிட்ட முக்கிய இடங்களுக்குச் செல்வோர் அன்றாடம் பயன்படுத்தும் பிரதான போக்குவரத்துப் பாதையாக இது அமைந்திருந்தமை குறிப்பிடத்தக்கது.
Minister Sunil Handunnetti announced that measures have been taken to temporarily install a Bailey bridge to replace the recently collapsed new bridge in Batticaloa. Speaking to Hiru News, the Minister stated that construction of the temporary bridge will begin this coming Thursday, managed swiftly by the Road Development Authority. The 40-year-old bridge, which had prior reports of structural cracks before its collapse on June 28, serves as a vital access route to Batticaloa city, connecting residents to essential locations such as the Batticaloa Teaching Hospital and local schools.
