தமிழ் சினிமாவில் 2026ஆம் ஆண்டில் இதுவரை வெளியான திரைப்படங்களில் தம்பி தலைமையில் தலைவர், வித் லவ், யூத், தாய் கிழவி ஆகிய படங்கள் மிக பிரம்மாண்டமான வெற்றியைப் பெற்று சாதனை படைத்துள்ளன.
அந்த வரிசையில், ஒட்டுமொத்த ரசிகர்களின் மிகப்பெரிய எதிர்பார்ப்புகளுக்கு மத்தியில் தியேட்டர்களில் வெளியான ‘கருப்பு’ திரைப்படம் தற்போது பாக்ஸ் ஆபீஸில் பிளாக்பஸ்டர் வெற்றியைப் பெற்று ஓடிக்கொண்டிருக்கிறது. நடப்பு 2026ஆம் ஆண்டில் கோலிவுட்டில் இதுவரை வெளியான படங்களிலேயே மிக அதிக வசூல் செய்த திரைப்படம் என்ற வரலாற்று சாதனையை இதன் மூலம் ‘கருப்பு’ தன்வசப்படுத்தியுள்ளது.
தமிழக வசூல் விவரம் தமிழ்நாடு மட்டுமின்றி உலகளாவிய பாக்ஸ் ஆபீஸிலும் ‘கருப்பு’ திரைப்படம் வசூல் வேட்டையைத் தொடர்ந்து வருகிறது. இந்த நிலையில், படம் வெளியாகி முதல் 10 நாட்கள் முடிவடைந்துள்ள நிலையில், தமிழகத்தில் மட்டும் இது எவ்வளவு கலெக்ஷன் செய்துள்ளது என்பது குறித்த சுடச்சுட தகவல்கள் வெளியாகியுள்ளன.
அதன்படி, ‘கருப்பு’ திரைப்படம் கடந்த 10 நாட்களில் தமிழ்நாட்டில் மட்டும் சுமார் ரூ. 124 கோடி வசூலித்து மாஸ் காட்டியுள்ளது. தியேட்டர்களில் ரசிகர்களின் கூட்டம் இன்னும் குறையாததால், மிக விரைவில் இந்தத் திரைப்படம் ரூ. 150 கோடி வசூல் மைல்கல்லைத் தாண்டிவிடும் என சினிமா வட்டாரங்கள் கணித்துள்ளன.
