அமெரிக்க டொலருக்கு நிகரான இலங்கை ரூபாயின் மதிப்பு மிக வேகமாக சரிந்து வருவதன் காரணமாக, நாட்டில் அத்தியாவசிய இறக்குமதிப் பொருட்களின் விலைகள், மின்சாரம் மற்றும் தண்ணீர்க் கட்டணங்கள் உயரும் அபாயம் ஏற்பட்டுள்ளது. அதோடு, ஏற்றுமதித் தொழிலுக்கான மூலப்பொருட்களை வாங்கும் செலவும் பெருமளவில் அதிகரிக்கும் என பொருளாதார நிபுணர்கள் எச்சரித்துள்ளனர்.
ரூபாயின் இந்த வீழ்ச்சிக்கு இணையாக, நாட்டின் பொதுவான பணவீக்கமும் கணிசமான அளவு உயரும் என்றே கணிக்கப்பட்டுள்ளது.
அத்தியாவசியப் பொருட்கள் இலங்கைக்குத் தேவையான எரிபொருள், சமையல் எரிவாயு, மருந்துகள் மற்றும் உணவுப் பொருட்கள் போன்ற பல அத்தியாவசியப் பொருட்கள் டொலரை செலுத்தியே வெளிநாடுகளில் இருந்து இறக்குமதி செய்யப்படுகின்றன.
இதனால் ரூபாயின் மதிப்பு குறையும் போது, உள்நாட்டு சந்தையில் இந்த பொருட்களின் விலைகள் மளமளவென உயரும் என நிபுணர்கள் சுட்டிக்காட்டுகின்றனர்.
குறிப்பாக, எரிபொருளின் விலை உயரும் போது அது போக்குவரத்து கட்டணங்கள், மின்சாரம், நீர் விநியோகம் மற்றும் இதர பொதுச் சேவைகளின் விலைகளில் நேரடி தாக்கத்தை ஏற்படுத்தும்.
இந்த மோசமான சூழ்நிலையால், சாதாரண பொதுமக்களின் மாதாந்திர குடும்பச் செலவுகள் வழக்கத்தை விட பெருமளவு அதிகரிக்கும் என எதிர்பார்க்கப்படுகிறது.
மேலும், உள்நாட்டு உற்பத்தியாளர்களுக்குத் தேவையான இயந்திரங்கள் மற்றும் மூலப்பொருட்களை வெளிநாடுகளில் இருந்து வாங்குவதற்கு, முன்பை விட மிக அதிகமான தொகையை ரூபாயில் செலவிட வேண்டிய நிலை ஏற்படும்.
விலை அதிகரிப்பு டொலரின் மதிப்பு உயர்வது சில ஏற்றுமதியாளர்களுக்கு சாதகமாக இருந்தாலும், உற்பத்திக்குத் தேவையான இறக்குமதி மூலப்பொருட்களின் விலை அதிகரிப்பதன் காரணமாக, அவர்களின் லாபமும் சர்வதேச சந்தைக்கான போட்டித்தன்மையும் கடுமையான சவால்களைச் சந்திக்கும் என மத்திய வங்கி அறிக்கைகள் கூறுகின்றன.
தற்போதைய இலங்கை மத்திய வங்கியின் புள்ளிவிவரங்களின்படி, அமெரிக்க டொலர் ஒன்றின் விற்பனை விலை 345 ரூபாய் என்ற எல்லையைத் தாண்டியுள்ளது.
இருப்பினும், சந்தையில் டொலருக்கான தேவை திடீரென அதிகரித்ததால் ஏற்பட்டுள்ள தற்காலிகமான ஒரு சூழ்நிலையே இது என பொருளாதார அபிவிருத்தி பிரதி அமைச்சர் நிஷாந்த ஜயவீர தெரிவித்துள்ளார்.
The rapid depreciation of the Sri Lankan Rupee against the US Dollar has sparked warnings from economic experts about a looming financial strain. This currency fluctuation is set to drive up inflation, leading to a sharp rise in the costs of essential imports like fuel, medicine, and food, alongside utility bills and production raw materials. While the central bank reports the dollar breaking the 345-rupee mark, government officials maintain that this is a temporary situation driven by a sudden spike in market demand.
