அஹுங்கல்ல துப்பாக்கிச் சூட்டுடன் தொடர்புடைய மேலும் ஒருவர் கைது.

அஹுங்கல்ல, கல்வெஹெர பகுதியில் நேற்று (04) இடம்பெற்ற துப்பாக்கிச் சூட்டுச் சம்பவத்துடன் தொடர்புடைய 26 வயதுடைய சந்தேகநபர் ஒருவர் கைது செய்யப்பட்டுள்ளதாகக் காவல்துறையினர் தெரிவித்துள்ளனர். இதன்போது, குற்றத்திற்குப் பயன்படுத்தப்பட்டதாகச் சந்தேகிக்கப்படும் துப்பாக்கியும் சந்தேகநபரிடமிருந்து கைப்பற்றப்பட்டுள்ளது. இதேவேளை, குறித்த துப்பாக்கிச் சூட்டுச் சம்பவத்துடன் தொடர்புடைய மற்றுமிரு சந்தேகநபர்கள் ஏற்கனவே கைது செய்யப்பட்டமை குறிப்பிடத்தக்கது.