அமெரிக்காவின் மறைந்த பாலியல் குற்றவாளி ஜெப்ரி எப்ஸ்டீனுடன் தொடர்பு வைத்திருந்த நோர்வே நாட்டின் முன்னாள் பிரதமர் தோர்ப்ஜோர்ன் ஜாக்லாண்ட் மீது “கடுமையான ஊழல்” குற்றச்சாட்டு பதிவு செய்யப்பட்டுள்ளது.
ஐரோப்பிய ஆணைக்குழுவின் பொதுச் செயலாளராகப் பணியாற்றிய ஜாக்லாண்டிற்கு வழங்கப்பட்டிருந்த தூதரகப் பாதுகாப்பு (Immunity) நீக்கப்பட்டதைத் தொடர்ந்து, நோர்வேயின் பொருளாதாரக் குற்றப்பிரிவு இந்த அதிரடி நடவடிக்கையை எடுத்துள்ளது. அமெரிக்க அரசாங்கம் வெளியிட்ட ‘எப்ஸ்டீன் கோப்புகளில்’ உள்ள மின்னஞ்சல் தரவுகளின்படி, எப்ஸ்டீன் குற்றவாளி எனத் தீர்ப்பளிக்கப்பட்ட பின்னரும் ஜாக்லாண்ட் மற்றும் அவரது குடும்பத்தினர் பாரிஸ், நியூயார்க் போன்ற நகரங்களிலுள்ள எப்ஸ்டீனின் சொகுசு இல்லங்களுக்குச் செல்லத் திட்டமிட்டது அம்பலமாகியுள்ளது. இதற்கான பயணச் செலவுகளையும் எப்ஸ்டீனே கவனித்துக் கொண்டதாகத் தெரியவந்துள்ளது.
மேலும், ஜாக்லாண்ட் வங்கிக் கடன்களைப் பெறுவதற்கு எப்ஸ்டீனின் உதவியை நாடியதாகவும் புகார்கள் எழுந்துள்ளன. இது தொடர்பாக அவருக்குச் சொந்தமான மூன்று இடங்களில் பொலிஸார் அதிரடிச் சோதனைகளை நடத்தியுள்ளனர். இருப்பினும், தன் மீதான அனைத்துக் குற்றச்சாட்டுகளையும் மறுத்துள்ள ஜாக்லாண்ட், விசாரணைக்கு முழுமையாக ஒத்துழைக்கப் போவதாகத் தெரிவித்துள்ளார்.
இந்த விவகாரத்தில் நோர்வே இளவரசி மெட்டே-மேரிட் மற்றும் சில உயர் தூதரக அதிகாரிகளின் பெயர்களும் அடிபடுவது அந்நாட்டில் பெரும் அரசியல் பரபரப்பை ஏற்படுத்தியுள்ளது.
Norway’s former Prime Minister Thorbjørn Jagland is facing “aggravated corruption” charges following the removal of his diplomatic immunity. Leaked ‘Epstein files’ suggest that Jagland and his family maintained ties with convicted sex offender Jeffrey Epstein, visiting his luxury residences and receiving financial favors for travel and loans. While Jagland denies the allegations, the investigation has caused a political stir in Norway, as it also mentions names of high-ranking officials and royalty.
