உத்தரப் பிரதேசத்தின் பதேபூர் மாவட்டத்தில் வசித்து வந்த சச்சின் சிங் – ஸ்வேதா சிங் தம்பதியினர், நான்கு மாதங்களுக்கு முன்புதான் வீட்டின் எதிர்ப்பையும் மீறி காதல் திருமணம் செய்துகொண்டனர். ஆனால், திருமணமான சில காலத்திலேயே ஸ்வேதா சிங், அக்கம் பக்கத்தில் வசிக்கும் இரண்டு கல்லூரி மாணவர்களுடன் நெருக்கமாகப் பழகி வந்துள்ளார். இது கணவன் – மனைவி இடையே பெரும் விரிசலை ஏற்படுத்தியுள்ளது.
தனது மனைவி தன்னை ஏமாற்றுவதாகச் சந்தேகப்பட்ட சச்சின் சிங், இது குறித்து ஸ்வேதாவிடம் வாக்குவாதத்தில் ஈடுபட்டுள்ளார். ஆத்திரத்தின் உச்சியில் சச்சின் தனது மனைவியின் கழுத்தை நெரித்துக் கொலை செய்துள்ளார். இச்சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.
கொலைக்குப் பிறகு, உண்மையை மறைக்க முயன்ற சச்சின், மனைவியின் உடலை வீட்டிலேயே வைத்திருந்துள்ளார். எனினும், பின்னர் அவரே காவல் நிலையத்திற்கு நேரில் சென்று சரணடைந்துள்ளார். இதையடுத்து காவல்துறையினர் அவரை உடனடியாகக் கைது செய்தனர்.
தற்போது ஸ்வேதாவின் உடல் பிரேதப் பரிசோதனைக்காக மருத்துவமனைக்கு அனுப்பப்பட்டுள்ளது. இது தொடர்பாக காவல்துறையினர் தீவிர விசாரணை நடத்தி வருகின்றனர். குற்றவாளி சச்சின் சிங் மீது இதற்கு முன்பு எந்தக் குற்றப்பின்னணியும் இல்லை எனத் தெரிவித்த காவல்துறையினர், மேலதிக விசாரணைகளைத் தொடர்ந்து மேற்கொண்டு வருகின்றனர்.
___________________________________________________________________________________________
In Uttar Pradesh’s Fatehpur district, a man named Sachin Singh murdered his wife, Shweta Singh, just four months after their love marriage over suspicions of her involvement with two local college students. Following a heated argument, Sachin strangled her and later surrendered to the police, who are now conducting a thorough investigation after sending the body for autopsy.
