கிழக்கு மாகாணத்தில் உள்ள சகல அரச வைத்தியசாலைகளிலும் உள்ள வைத்தியர்கள் இன்று (19) முதல் மீண்டும் பணிப்புறக்கணிப்பை முன்னெடுக்க தீர்மானித்துள்ளதாக அரச வைத்திய அதிகாரிகள் சங்கம் தெரிவித்துள்ளது.
அக்கரைப்பற்று ஆதார வைத்தியசாலையில் நிலவி வரும் நிர்வாகச் சிக்கல்களுக்கு நீண்ட நாட்களாகியும் இன்னும் தீர்வு எட்டப்படவில்லை. இதற்கு எதிர்ப்புத் தெரிவிக்கும் வகையில், கிழக்கு மாகாணம் தழுவிய ரீதியில் இன்று காலை 8 மணி முதல் தொடர்ச்சியான பணிப்புறக்கணிப்பை மேற்கொள்ள அரச வைத்திய அதிகாரிகள் சங்கம் முடிவெடுத்துள்ளது.
அந்த வைத்தியசாலையின் அத்தியட்சகர் தன்னிச்சையாகச் செயல்படுவதாகவும், பல்வேறு முறைகேடுகளில் ஈடுபடுவதாகவும் குற்றச்சாட்டுகள் எழுந்துள்ளன. இது குறித்து வெளிப்படையான விசாரணை நடத்தப்பட வேண்டும் என்பதே வைத்தியர்களின் பிரதான கோரிக்கையாக உள்ளது. மேலும், விசாரணை நேர்மையாக நடப்பதை உறுதி செய்ய, சம்பந்தப்பட்ட அதிகாரியைத் தற்காலிகமாகப் பதவியிலிருந்து நீக்க வேண்டும் என வலியுறுத்தி ஏற்கனவே கடந்த வாரம் போராட்டம் நடைபெற்றது.
தைப்பொங்கல் பண்டிகை வந்ததால், மக்களின் சிரமங்களைக் கருத்தில் கொண்டு கடந்த வாரம் இந்தப் போராட்டம் தற்காலிகமாக நிறுத்தி வைக்கப்பட்டிருந்தது. ஆனால், வழங்கப்பட்ட கால அவகாசத்திற்குள் சுகாதார அமைச்சிலிருந்து முறையான பதில் எதுவும் கிடைக்காததால், இன்று முதல் மீண்டும் வேலைநிறுத்தப் போராட்டத்தைக் கையில் எடுத்துள்ளனர். இதனால் கிழக்கு மாகாணத்தின் அரச வைத்தியசாலை சேவைகள் பாதிக்கப்படும் சூழல் உருவாகியுள்ளது.
Government doctors across the Eastern Province have resumed their strike as of 8:00 AM today, protesting unresolved administrative issues at the Akkaraipattu Base Hospital. The Government Medical Officers’ Association (GMOA) is demanding a transparent inquiry into allegations of misconduct against the hospital’s Medical Superintendent and his temporary suspension to ensure an impartial investigation. Although the strike was briefly paused for the Thai Pongal festival, it has been reinstated due to the Health Ministry’s failure to provide a favorable response within the given timeframe.
