ஈரான் – ஓமான் பேச்சுவார்த்தை இறுதி கட்டத்தில்: ஹோர்முஸ் நீரிணைக்கான புதிய கடல் வழிப்பாதை!
ஈரான் மற்றும் ஓமான் இடையே ஹோர்முஸ் நீரிணை கடல் வழிப்பாதை தொடர்பாக நடந்துவரும் பேச்சுவார்த்தைகள் தற்போது இறுதி கட்டத்தை எட்டியுள்ளதாக ஈரானிய வெளியுறவுத்துறை அமைச்சர் அப்பாஸ் அராக்சி அதிகாரப்பூர்வமாகத் தெரிவித்துள்ளார்.
உலக அளவில் மிக முக்கியமான எண்ணெய் போக்குவரத்தைக் கையாளும் இந்த ஹோர்முஸ் நீரிணைப் பகுதிக்கு ஏற்ப, புதிதாக ஒரு கடல் வழிப்பாதையை வடிவமைப்பது குறித்தே இரு நாடுகளும் தீவிரமாகப் பேசி வருகின்றன.
இந்தச் சூழலில், இரு தரப்பு நாடுகளுக்கும் முழுமையாக ஏற்றுக்கொள்ளக் கூடிய வகையிலான ஒரு புதிய பாதையை உருவாக்குவதில் உடன்பாடு எட்டப்பட்டு வருவதாக ஈரான் தரப்பில் கூறப்பட்டுள்ளது.
வழக்கமான வடக்கு அல்லது தெற்குப் பாதையாக இல்லாமல் அமையவுள்ள இந்தப் புதிய வழித்தடமானது, இரு நாடுகளின் இறையாண்மையையும் ஈரானின் தேசிய பாதுகாப்பு மற்றும் நலன்களையும் ஒருசேரப் பாதுகாக்கும் வகையில் இருக்கும் என்றும் அவர் குறிப்பிட்டுள்ளார்.
உலக அளவில் பயன்படுத்தப்படும் ஒட்டுமொத்த மசகு எண்ணெயில் கிட்டத்தட்ட 20 சதவீதத்திற்கும் அதிகமானவை இந்த ஹோர்முஸ் நீரிணை வழியாகவே கொண்டு செல்லப்படுவதால், இந்தச் சமீபத்திய பேச்சுவார்த்தையானது சர்வதேச எரிபொருள் சந்தையில் மிகப்பெரிய எதிர்பார்ப்பை ஏற்படுத்தியுள்ளது.
Iranian Foreign Minister Abbas Araghchi has announced that discussions between Iran and Oman to establish a new shipping route through the strategic Strait of Hormuz are nearing their final stages, drawing significant global attention to future energy transport and regional security.
