பிரித்தானியாவிடமிருந்து சுதந்திரம் கோரும் கிராமம் இங்கிலாந்தின் ஆக்ஸ்ஃபோர்ட்ஷையர் பகுதியில் இருக்கும் பிடிங்டன் கிராமம், பிரித்தானியாவிடமிருந்து சுதந்திரம் பெறுவது குறித்து பொதுவாக்கெடுப்பு ஒன்றை நடத்தவிருப்பதாக எச்சரித்துள்ளது.
காரணம் என்னவென்றால், இந்த கிராமத்திற்கு மிக அருகில் இருக்கும் பைசெஸ்டர் பகுதியில் ஒரு ராணுவ தளம் இயங்கி வருகிறது. அந்த ராணுவ முகாமை சுமார் 3,750 புகலிடக்கோரிக்கையாளர்கள் தங்கும் இடமாக மாற்ற பிரித்தானிய உள்துறை அமைச்சகம் திட்டமிட்டுள்ளது.
தங்கள் ஊருக்கு பக்கத்தில் இப்படி ஒரு முகாம் வருவதை எதிர்க்கும் கிராம மக்கள், இந்த அதிரடி முடிவை கையில் எடுத்துள்ளனர். தங்களிடம் எந்தவிதமான கலந்தாலோசனையும் நடத்தாமல் தன்னிச்சையாக இந்த முடிவு எடுக்கப்பட்டதாகக் கூறும் ஊ மக்கள், இதற்காக ஒரு வாக்கெடுப்பையும் நடத்தி முடித்துள்ளனர்.
அந்த உள்ளூர் வாக்கெடுப்பில் பெரும்பான்மையான மக்கள் சுதந்திரம் பற்றிய பொதுவாக்கெடுப்புக்கு ஆதரவாக வாக்களித்துள்ளனர். இதன் தொடர்ச்சியாகவே, பிரித்தானியாவிடம் இருந்து தனித்துச் செல்வது குறித்து வாக்கெடுப்பு நடத்துவோம் என்று அவர்கள் இப்போது மிரட்டல் விடுத்துள்ளனர்.
உண்மையில், பிரித்தானிய சட்டப்படி இப்படிப்பட்ட வாக்கெடுப்பு நடத்தினாலும், நாட்டின் அரசும் நாடாளுமன்றமும் ஒப்புதல் அளித்தால் மட்டுமே அந்த கிராமம் தனி நாடாகவோ சுதந்திரமாகவோ மாற முடியும் என்பது குறிப்பிடத்தக்கது.
என்றாலும் கூட, தங்களை மதிக்காமல் தங்கள் ஊருக்கு அருகில் புகலிடக்கோரிக்கையாளர்கள் முகாமை அமைக்கத் திட்டமிடும் உள்துறை அலுவலகத்தின் முடிவுக்கு எதிராக, பிடிங்டன் மக்கள் காட்டும் ஒரு வலுவான எதிர்ப்பின் அடையாளமாகவே இந்தச் செயல் பார்க்கப்படுகிறது.
The residents of the Biddlesden village in Oxfordshire, England, have threatened to hold a referendum for independence from Britain in protest against the Home Office’s unconsulted plan to convert a nearby military site into an asylum seeker camp.
