வெனிசுலாவில் இடம்பெற்ற பாரிய நிலநடுக்கங்களின் தாக்கத்தால் இறப்பு எண்ணிக்கை 100,000-ஐத் தாண்டக்கூடும் என அமெரிக்க புவியியல் ஆய்வு மையம் மதிப்பிட்டுள்ளது.
முதலில், யாராகுய் மாகாணத்தின் சான் பெலிப் நகருக்குப் பக்கத்தில் 20 முதல் 22 கிலோமீட்டர் ஆழத்தில் 7.2 ரிக்டர் அளவில் ஒரு முன் அதிர்வு ஏற்பட்டுள்ளது. அதனைத் தொடர்ந்து வெறும் 39-40 வினாடிகளிலேயே, அதே மாகாணத்தின் யூமாரே பகுதியை மையமாக வைத்து 10 கிலோமீட்டர் ஆழத்தில் 7.5 ரிக்டர் அளவில் முதன்மையான பெரிய நிலநடுக்கம் உருவானது.
போகோனோ பிளவுப் பகுதியில் ஏற்பட்ட இந்த நிலநடுக்கங்களின் மையப் புள்ளியானது, வெனிசுலாவின் தலைநகரான காரகாஸிற்கு மேற்கே 100 முதல் 170 கிலோமீட்டர் தொலைவில் அமைந்திருந்தது.
இதன் காரணமாக காரகாஸ் மற்றும் அதன் அருகிலுள்ள பகுதிகளில் மிகக் கடுமையான நில அதிர்வுகள் ஏற்பட்டன. மேலும், இந்த நிலநடுக்கத்தால் அருபா, பொனாயர் மற்றும் புவேர்ட்டோ ரிக்கோ போன்ற கரீபியன் தீவுகளுக்குச் சிறிய அளவிலான சுனாமி எச்சரிக்கைகளும் விடுக்கப்பட்டன.
இந்த நிலநடுக்கம் குறித்து அமெரிக்க புவியியல் ஆய்வு மையம் (USGS) தற்பொழுது ‘சிவப்பு எச்சரிக்கை’ விடுத்துள்ளது. இப்போதைய சூழல் மிகவும் மோசமடைந்தால், உயிரிழப்பவர்களின் எண்ணிக்கை ஆயிரக்கணக்கில் அல்லது லட்சத்தைத் தாண்டக்கூடும் எனப் புள்ளிவிவர மாதிரிகள் காட்டுகின்றன.
இந்தப் பயங்கரப் பேரழிவின் காரணமாக நாடு முழுவதும் மின்சாரம் துண்டிக்கப்பட்டுள்ளதுடன், விமான நிலையங்கள் மற்றும் பள்ளிகளும் மூடப்பட்டுள்ளன. அத்தோடு, நாட்டின் முக்கிய சாலைப் போக்குவரத்துக் கட்டமைப்புகளும் கடுமையாகச் சேதமடைந்துள்ளன.
தொடர்ந்து அடுத்தடுத்து சுமார் 20 நில அதிர்வுகள் பதிவாகியுள்ளதால், மக்கள் பெரும் பீதியுடன் வீதிகளில் தஞ்சமடைந்துள்ளனர். நிலைமையைக் கட்டுக்குள் கொண்டுவர வெனிசுலாவின் தற்காலிக அதிபர் டெல்சி ரோட்ரிக்ஸ் நாட்டில் அவசரநிலையைப் பிரகடனப்படுத்தியுள்ளார்.
வெனிசுலாவானது கரீபியன் மற்றும் தென் அமெரிக்க புவித்தட்டுகள் சந்திக்கும் எல்லையில் அமைந்துள்ளதால், இது எப்போதும் புவியியல் ரீதியாகச் சுறுசுறுப்பான ஒரு பகுதியாகும். மேலும், கடந்த நூறு ஆண்டுகளில் அந்த நாட்டைத் தாக்கிய மிகச் சக்திவாய்ந்த நிலநடுக்கம் இதுவே ஆகும்.
இதற்கு முன்னர் கடந்த 1812 ஆம் ஆண்டு கராகஸில் ஏற்பட்ட 7.7 ரிக்டர் அளவிலான நிலநடுக்கத்தில் 15,000 முதல் 20,000 பேர் வரை உயிரிழந்திருந்தனர்.
அதன் பின்னர் 1967 இல் ஏற்பட்ட 6.6 ரிக்டர் அளவிலான நிலநடுக்கத்தில் ஏறத்தாழ 300 பேர் பலியாகினர்.
அதேபோல், கடந்த 1997 இல் ஏற்பட்ட நிலநடுக்கத்தில் 73 பேர் உயிரிழந்தனர். மேலும் 2018 இல் வெனிசுலா கடற்கரைப் பகுதியில் ஏற்பட்ட 7.3 ரிக்டர் அளவிலான நிலநடுக்கம் மிகக் குறைந்த அளவிலான பாதிப்பையே ஏற்படுத்தியிருந்தது.
தற்போதைய நிலநடுக்கம் பூமியின் மிகக் குறைந்த ஆழத்தில் ஏற்பட்டுள்ளதால், மக்கள் நெரிசல் மிகுந்த நகரப் பகுதிகளில் இதன் தாக்கம் அதிகமாக இருந்ததுடன், நிலச்சரிவுகள் மற்றும் நிலம் உள்வாங்கும் அபாயங்களும் அதிகரித்துள்ளன.
வெனிசுலா நாட்டின் வரலாற்றிலேயே இல்லாத வகையில், சில நிமிட இடைவெளிகளில் அடுத்தடுத்து இரண்டு சக்திவாய்ந்த நிலநடுக்கங்கள் ஏற்பட்டுள்ளதாகப் பல சர்வதேச ஊடகங்கள் செய்திகளை வெளியிட்டுள்ளன.
இதனால் தலைநகர் கராகஸ் உட்படப் பல முக்கிய நகரங்களில் உள்ள அடுக்குமாடிக் குடியிருப்புகளும் கட்டடங்களும் இடிந்து விழுந்து தரைமட்டமாகியுள்ளதாகத் தகவல்கள் தெரிவிக்கின்றன.
இந்த நிலநடுக்கமானது வெனிசுலாவின் கரீபியன் கடற்கரையை ஒட்டியுள்ள மோரோன் பகுதிக்கு மேற்கே சுமார் 28 கிலோமீட்டர் தொலைவில் மையம் கொண்டிருந்தது.
சுனாமி எச்சரிக்கை பூமிக்கு அடியில் வெறும் 13 கிலோமீட்டர் ஆழத்தில், 7.1 மற்றும் 7.5 என்ற ரிக்டர் அளவுகளில் இந்த நிலநடுக்கங்கள் பதிவாகியுள்ளதாக அமெரிக்க புவியியல் ஆய்வு மையம் அதிகாரப்பூர்வமாகத் தெரிவித்துள்ளது.
இந்த அதிர்வுகளால் தலைநகர் கராகஸில் உள்ள கட்டடங்கள் இடிந்து விழுந்துள்ளதோடு, கரீபியன் கடல் சார்ந்த பகுதிகளுக்குச் சுனாமி எச்சரிக்கைகளும் விடுக்கப்பட்டு மக்கள் பாதுகாப்பான இடங்களுக்கு அனுப்பப்பட்டு வருகின்றனர்.
இதற்கிடையில், நாட்டின் பல்வேறு பகுதிகளில் பல கட்டடங்கள் மிக மோசமாகச் சேதமடைந்துள்ள விபரத்தை வெனிசுலாவின் உள்துறை அமைச்சர் டியோஸ்டாடோ கபெல்லோ உறுதிப்படுத்தியுள்ளார்.
Two powerful consecutive earthquakes measuring 7.1 and 7.5 on the Richter scale hit Venezuela within minutes, causing widespread destruction, building collapses in the capital city of Caracas, and triggering brief tsunami warnings in parts of the Caribbean. The US Geological Survey (USGS) has issued a red alert, estimating that the death toll from this shallow, century-worst disaster could potentially cross 100,000, leading the interim President Delcy Rodríguez to declare a state of emergency across the nation.
