உக்ரைன் ஜனாதிபதி ஜெலென்ஸ்கிக்கும் ரஷ்ய ஜனாதிபதி விளாடிமிர் புடினுக்கும் இடையே போர் நிறுத்தத்தை உறுதி செய்வதற்காக பேச்சுவார்த்தை நடத்துவதற்கான முன்மொழிவை ஐரோப்பிய தலைவர்கள் ஆதரிப்பதாக தெரிவித்துள்ளனர்.
இந்த அமைதி முயற்சியில் ஐரோப்பிய நாடுகள் மிக முக்கிய பங்காற்றப் போவதாக பிரான்ஸ், ஜேர்மனி மற்றும் பிரித்தானிய நாட்டுத் தலைவர்கள் சுட்டிக்காட்டியுள்ளனர்.
அமெரிக்கா மற்றும் ஐரோப்பாவின் முழுமையான பங்களிப்போடு, உக்ரைனும் ரஷ்யாவும் நேரடியாகப் பேச்சுவார்த்தையில் ஈடுபட வேண்டும் என்றும், இதன் மூலம் இந்த கொடூரப் போருக்கு முற்றுப்புள்ளி வைக்க வேண்டும் என்றும் ஜெலென்ஸ்கி விடுத்த வேண்டுகோளை பிரித்தானிய பிரதமர் கெய்ர் ஸ்டார்மர், ஜேர்மன் அதிபர் ஃபிரெட்ரிக் மெர்ஸ் மற்றும் பிரான்ஸ் அதிபர் இமானுவல் மேக்ரான் ஆகியோர் தங்களின் கூட்டறிக்கையில் வெகுவாகப் பாராட்டியுள்ளனர்.
உக்ரைனின் முக்கிய சர்வதேச கூட்டாளிகளாக விளங்கும் ‘E3’ எனப்படும் பாதுகாப்பு கூட்டணியைச் சேர்ந்த தலைவர்களுடன், ஞாயிற்றுக்கிழமையன்று பிரித்தானிய பிரதமர் அலுவலகத்தில் ஜெலென்ஸ்கி ஒரு முக்கியமான ஆலோசனையில் ஈடுபட்டார். ரஷ்ய அதிபர் புடினுக்கு ஜெலென்ஸ்கி பகிரங்கக் கடிதம் ஒன்றை எழுதிய சில நாட்களிலேயே இந்த சந்திப்பு நடந்துள்ளது.
ஐந்தாவது ஆண்டாகத் நீடித்துக் கொண்டிருக்கும் இந்த யுத்தத்தை முடிவுக்குக் கொண்டு வர, புடினை நேரடியாகச் சந்தித்துப் பேச ஜெலென்ஸ்கி விருப்பம் தெரிவித்திருந்தார். ஆனால், இந்த அழைப்பை ரஷ்ய அதிபர் நிராகரித்துவிட்டார். இந்தச் சூழலில், ஜெலென்ஸ்கி அனுப்பிய கடிதத்தின்படி, ராஜதந்திர ரீதியில் பேச்சுவார்த்தை நடத்தி போரை நிறுத்த அவர் எடுத்த முயற்சிகளை ஐரோப்பிய தலைவர்கள் தங்களின் கூட்டறிக்கையில் வரவேற்றுள்ளனர்.
இருப்பினும், ஜெலென்ஸ்கியின் இந்த பேச்சுவார்த்தைக்கான அழைப்பில் எந்த உண்மையும் இல்லை என்றும், தற்போதைய சூழலில் அவரைச் சந்திப்பதால் எந்த நன்மையும் கிடைக்கப் போவதில்லை என்றும் கூறிய புடின், தங்களுக்கு நீண்ட கால அடிப்படையிலான ஒரு நிரந்தர ஒப்பந்தமே தேவை என்று குறிப்பிட்டுள்ளார். இந்த நிலையில், உக்ரைனில் ஒரு நியாயமான மற்றும் நிலையான அமைதியை ஏற்படுத்துவதற்கான முக்கிய நிபந்தனைகளை ஐரோப்பிய தலைவர்களும் ஜெலென்ஸ்கியும் இணைந்து வகுத்துள்ளனர்.
இதன்படி, அமைதிப் பேச்சுவார்த்தைக்கான ஆரம்பப் புள்ளியாக தற்போதைய எல்லைக் கட்டுப்பாட்டுக் கோடே அமைய வேண்டும் என்றும், உக்ரைனின் பாதுகாப்பை உறுதி செய்ய சர்வதேசப் படைகளை நிலைநிறுத்துவது போன்ற சட்டப்பூர்வ உத்தரவாதங்கள் வழங்கப்பட வேண்டும் என்றும் அவர்கள் வலியுறுத்தியுள்ளனர். மேலும், போரினால் ஏற்பட்ட பாதிப்புகளுக்கு ரஷ்யா உரிய இழப்பீடு வழங்கும் வரை, முடக்கப்பட்டுள்ள ரஷ்யாவின் சொத்துக்கள் விடுவிக்கப்படாது என்றும் அவர்கள் தெளிவுபடுத்தியுள்ளனர். இறுதியாக, ஐரோப்பிய பிராந்தியத்தின் பாதுகாப்பு நலன்கள் எக்காரணம் கொண்டும் விட்டுக்கொடுக்கப்படக் கூடாது என்பதில் இந்த நான்கு தலைவர்களும் உறுதியாக உள்ளனர்.
European leaders from the UK, Germany, and France (the ‘E3’) have expressed their strong support for Ukrainian President Zelenskyy’s proposal to hold direct peace talks with Russian President Vladimir Putin to end the ongoing war, which is now in its fifth year. Although Putin dismissed the gesture, questioning its sincerity and calling for a long-term agreement instead, Zelenskyy and the European leaders met in London to outline key conditions for a lasting peace. These conditions include using the current frontline as a starting point for talks, providing international security guarantees for Ukraine, freezing Russian assets until war reparations are paid, and ensuring Europe’s overall security interests are protected.
