பீகாரின் அவுரங்காபாத் மாவட்டத்தில் விளையாட்டாகச் செய்த ஒரு காரியம் பெரும் துயரத்தில் முடிந்துள்ளது. உயிர் பிழைத்த 14 வயது சிறுமி அளித்துள்ள வாக்குமூலத்தின்படி, ஐந்து நண்பர்களும் சேர்ந்து ஊருக்கு ஒதுக்குப்புறமான இடத்திற்குச் சென்றுள்ளனர். அங்கு கொக்குகளைக் கொல்லப் பயன்படுத்தப்படும் விஷத்தை எடுத்துச் சென்று, அதை உட்கொள்ளும் விபரீத முடிவை எடுத்துள்ளனர்.
“விஷம் குடித்தால் உண்மையில் மரணம் சம்பவிக்குமா அல்லது உயிர் பிழைப்போமா என்று சோதித்துப் பார்ப்போம் என என் தோழி கூறினாள். அதன் பிறகே இந்த முடிவை எடுத்தோம்” என அந்தச் சிறுமி பகிரங்கமாகத் தெரிவித்துள்ளார். ஒரு சிறிய விளையாட்டு இவ்வளவு பெரிய விபரீதத்தை ஏற்படுத்தும் என்று அவர்கள் நினைக்கவில்லை.
அனைவரும் தண்ணீரில் விஷத்தைக் கலந்து குடித்தபோது, இந்தச் சிறுமி மட்டும் மிகக் குறைந்த அளவே உட்கொண்டுவிட்டு, உடனடியாக அதைத் துப்பிவிட்டதால் உயிர் தப்பியுள்ளார். ஆனால், மற்ற நான்கு நண்பர்களும் கண் இமைக்கும் நேரத்தில் நிலைகுலைந்து விழுந்து உயிரிழப்பதைக் கண்டு அவர் கடும் அதிர்ச்சிக்குள்ளானார்.
தனது நண்பர்கள் இறப்பதைக் கண்டு அஞ்சிப்போன அந்தச் சிறுமி, உடனடியாக வீட்டிற்கு ஓடிச் சென்றுள்ளார். அவரது குடும்பத்தினர் நிலைமையை உணர்ந்து வேப்பிலைச் சாற்றைக் கொடுத்து அவரை வாந்தி எடுக்கச் செய்ததால், அவர் நல்வாய்ப்பாகக் காப்பாற்றப்பட்டுள்ளார். இச்சம்பவம் அந்தப் பகுதியில் சோகத்தை ஏற்படுத்தியுள்ளது.
_________________________________________________________________________________
A tragic experiment led to the deaths of four teenage girls in Bihar’s Aurangabad district after they consumed poison to see if it would actually kill them. The sole survivor explained that they used bird poison mixed with water out of curiosity; she survived by spitting it out immediately and receiving herbal first aid from her family.
