துபாயில் நடைபெற்று வரும் 2026 உலக பரா தடகள கிராண்ட் பிரிக்ஸ் தொடரில், இலங்கையைப் பிரதிநிதித்துவப்படுத்திய ஜனனி தனஞ்சனா தங்கப் பதக்கம் வென்று சாதனை படைத்துள்ளார்.
பெண்களுக்கான 100 மீற்றர் (T46/47 பிரிவு) ஓட்டப்பந்தயத்தில் கலந்துகொண்ட ஜனனி, மின்னல் வேகத்தில் இலக்கை அடைந்து முதலிடத்தைப் பிடித்தார். சர்வதேச அரங்கில் அவர் வென்றுள்ள இந்தத் தங்கம், இலங்கைக்குப் பெருமை சேர்த்துள்ளது.
அதேபோல், ஆண்களுக்கான நீளம் பாய்தல் (T46/47 பிரிவு) போட்டியில் இலங்கையின் புத்திக ஹேஷான் வெள்ளிப் பதக்கம் வென்று அசத்தியுள்ளார். தனது சிறப்பான திறமையால் இரண்டாம் இடத்தைப் பிடித்து அவர் நாட்டுக்கு மீண்டும் ஒரு பதக்கத்தைப் பெற்றுத் தந்துள்ளார்.
தற்போது நடைபெற்று வரும் இந்தப் போட்டிகளில் இலங்கை அணி தங்கம் மற்றும் வெள்ளி என அடுத்தடுத்து பதக்கங்களைக் குவித்து வருவது விளையாட்டு ஆர்வலர்களிடையே மகிழ்ச்சியை ஏற்படுத்தியுள்ளது.
Sri Lankan athletes Janani Dhananjana and Buddhika Heshan achieved medal success at the 2026 World Para Athletics Grand Prix in Dubai. Janani secured a gold medal in the women’s 100m (T46/47) event, while Buddhika won silver in the men’s long jump (T46/47).
