இலங்கையின் இசை மற்றும் கலை உலகைச் சேர்ந்த பிரபல பாடகரும் நடிகருமான பிரியங்கர பெரேரா தனது 64ஆவது வயதில் காலமானார் என்ற செய்தி கலை உலகினர் மத்தியில் பெரும் சோகத்தை ஏற்படுத்தியுள்ளது. நீண்ட நாட்களாக உடல்நலக் குறைவால் அவதிப்பட்டு வந்த அவர், கொழும்பு தேசிய வைத்தியசாலையில் தொடர்ந்து சிகிச்சை பெற்று வந்த நிலையில், நேற்று செவ்வாய்க்கிழமை (01) இரவு பரிதாபமாக உயிரிழந்துள்ளார்.
அவரது பூதவுடல் இன்று புதன்கிழமை (02) பிற்பகல் பொரளை பகுதியிலுள்ள தனியார் மலர்சாலையில் பொதுமக்கள் மற்றும் இரசிகர்களின் இறுதி அஞ்சலிக்காக வைக்கப்படவுள்ளது.
பிரபல மூத்த பாடகரான ஜே.ஏ. மில்டன் பெரேராவின் அன்பு மகனான பிரியங்கர பெரேரா, தந்தையின் அடிச்சுவட்டைப் பின்பற்றி இசைத் துறையில் காலடி பதித்தார். தனது தனித்துவமான குரல்வளத்தால் பல அருமையான பாடல்களைப் பாடி இலங்கை மக்கள் மத்தியில் பெரும் வரவேற்பையும் புகழையும் பெற்றார்.
ஒரு திறமையான பாடகராகத் மாத்திரமின்றி, பல்வேறு திரைப்படங்களிலும் தொலைக்காட்சி நாடகங்களிலும் நடிகராகத் திறமையாக நடித்து இலங்கை கலைத்துறைக்கு மிகச் சிறப்பான பங்களிப்பை வழங்கியுள்ளார்.
அன்னாரது இறுதிச் சடங்குகள் நாளை வியாழக்கிழமை (03) நடைபெறும் என அவரது குடும்பத்தினர் அதிகாரப்பூர்வமாகத் தெரிவித்துள்ளனர். அவரது மறைவுக்கு சக கலைஞர்களும், திரைையுலகப் பிரபலங்களும், எண்ணற்ற ரசிகர்களும் தங்களது ஆழ்ந்த இரங்கல்களைத் தெரிவித்து வருகின்றனர்.
Renowned Sri Lankan singer and actor Priyankara Perera, son of legendary singer J.A. Milton Perera, passed away at the age of 64 while receiving treatment at the Colombo National Hospital, drawing widespread condolences from fans and the artistic community.
