விவகாரம் தொடர்பில் முறையான மற்றும் சுயாதீனமான விசாரணை நடத்தப்படுவதை உறுதி செய்வதற்காக, செம்மணி புதைகுழி யாழ்ப்பாணம் இலங்கை அரசுடன் இருதரப்பு பேச்சுவார்த்தைகளில் ஈடுபட வேண்டும் என அவுஸ்திரேலிய அரசாங்கம் அவுஸ்திரேலிய பசுமைக் கட்சியின் செனட்டர் டேவிட் ஷூபிரிட்ஜ் வலியுறுத்தியுள்ளார்.
யாழ்ப்பாணம் செம்மணி விவகாரம் குறித்து அவுஸ்திரேலிய நாடாளுமன்றத்தில் குரல் எழுந்துள்ளது. செம்மணி புதைகுழி விவகாரத்தில் நியாயமான முறையான மற்றும் சுயாதீனமான விசாரணை நடப்பதை உறுதி செய்ய, இலங்கை அரசாங்கத்துடன் அவுஸ்திரேலிய அரசு நேரடியாகப் பேச்சுவார்த்தை நடத்த வேண்டும் என்று பசுமைக் கட்சியின் செனட்டர் டேவிட் ஷூபிரிட்ஜ் மிகக் தெளிவாக வலியுறுத்தியுள்ளார்.
நாடாளுமன்றத்தில் உரையாற்றிய அவர், ஐ.நா மனித உரிமைகள் பேரவையிலும் இந்த விவகாரத்தை மிகத் தீவிரமாக எழுப்ப வேண்டும் என்றும் கேட்டுக்கொண்டுள்ளார்.
இலங்கையில் நீதி மற்றும் பொறுப்புக்கூறலை நிலைநாட்டத் தங்களால் இயன்ற ஆதரவை வழங்குவோம் என்று அவுஸ்திரேலியா முன்பு கொடுத்த வாக்கைக் காப்பாற்ற இதுவே சரியான தருணம் என்று அவர் சுட்டிக்காட்டினார். மேலும், அந்த இடத்தை முழுமையாகப் பாதுகாப்பதோடு, அங்கு கண்டெடுக்கப்பட்ட மனித எச்சங்கள் மற்றும் சாட்சியங்களுக்கான தடயவியல் சங்கிலிப் பாதுகாப்பு எந்தவிதத் தடையுமின்றி உறுதி செய்யப்படுவதையும் அவுஸ்திரேலியா வலியுறுத்த வேண்டும் என்றார்.
யாழ்ப்பாணம் செம்மணியில் நடந்து வந்த மூன்றாம் கட்ட அகழ்வுப் பணிகள் கடந்த 19ஆம் தேதியுடன் முடிவுக்கு வந்துள்ள நிலையில், அங்கே இதுவரை கண்டெடுக்கப்பட்ட மனித எச்சங்களின் எண்ணிக்கை 583 ஆக அதிரடியாக உயர்ந்துள்ளது.
ஆனால், இவ்வளவு பெரிய அளவில் மனித எச்சங்கள் மீட்கப்பட்ட போதிலும், இலங்கை அரசாங்கம் இதுபற்றி வாய் திறக்காமல் மௌனம் காத்து வருவது பலத்த சந்தேகங்களை எழுப்பியுள்ளது.
இலங்கையில் இதுபோன்று சுமார் 20 புதைகுழி இடங்கள் இருப்பதை மனித உரிமைகள் கண்காணிப்பகம் ஆவணப்படுத்தியுள்ள போதிலும், அவற்றில் எதற்கும் இதுவரை எந்தவிதமான முழுமையான அல்லது வெற்றிகரமான விசாரணைகளும் நடத்தப்படவில்லை என்று செனட்டர் ஷூபிரிட்ஜ் தனது கவலையைப் பதிவு செய்துள்ளார்.
இதற்கிடையில், நம்பகமான மற்றும் முழுமையான விசாரணைகளை நடத்துவதில் இலங்கை அரசு தொடர்ந்து தோல்வி அடைந்து வருவதாக அவுஸ்திரேலியாவைச் சேர்ந்த தமிழ் ஏதிலிகள் பேரவை குற்றம்சாட்டியுள்ளது. உள்ளூர் விசாரணைகள் மீது தமிழ் சமூகத்திற்கு எந்தவிதமான நம்பிக்கையும் இல்லை என்றும் அவர்கள் திட்டவட்டமாகத் தெரிவித்துள்ளனர்.
இதன் காரணமாக, உடனடியாக ஒரு சுயாதீன விசாரணையை முன்னெடுத்து, அங்கிருக்கும் சாட்சியங்களை முழுமையாகப் பாதுகாத்து, பாதிக்கப்பட்டவர்களைக் கண்டறிய சர்வதேச சமூகம் தங்களின் அழுத்தங்களைத் கொடுக்க வேண்டும் என்றும் அவர்கள் தீவிரமாகக் கோரிக்கை விடுத்துள்ளனர்.
Australian Greens Senator David Shoebridge has urged his government to engage in bilateral talks with Sri Lanka to ensure an independent and thorough investigation into the Chemmani mass graves in Jaffna, amid rising concerns over a lack of accountability and justice.
