மத்திய அரசுக்கு டெல்லி மேல் நீதிமன்றம் உத்தரவு பிறப்பித்துள்ளது, இந்தியா முழுவதும், 13 வயதுக்குட்பட்ட சிறுவர்கள் சமூக ஊடகங்களை பயன்படுத்துவதை கட்டுப்படுத்துவது தொடர்பில்.
இன்றைய டிஜிட்டல் உலகில் சிறுவர்கள் எதிர்கொள்ளும் சவால்கள் குறித்து டெல்லி மேல்நீதிமன்றம் மிக முக்கியமான ஒரு கருத்தை முன்வைத்துள்ளது. நாடு முழுவதும் பதின்ம வயதிற்குட்பட்ட சிறுவர்கள், குறிப்பாக 13 வயதுக்குட்பட்டோர் சமூக வலைதளங்களை பயன்படுத்துவதற்கு உரிய கட்டுப்பாடுகள் விதிக்கப்பட வேண்டும் என்றும், இரவு நேரங்களில் அவர்கள் இன்டர்நெட் பயன்படுத்துவதை முற்றிலும் தடை செய்ய வேண்டும் என்றும் கோரி ஒரு பொதுநல வழக்கு தொடரப்பட்டிருந்தது. இந்த மனுவை தீவிரமாக பரிசீலித்த நீதிமன்றம், இது முற்றிலும் மத்திய அரசின் கொள்கை சார்ந்த முடிவு என்பதால் தாங்களாக நேரடியாக உத்தரவிட முடியாது என்று தெளிவுபடுத்தியுள்ளது.
அதே நேரத்தில், மனுதாரர் தரப்பில் சுட்டிக்காட்டப்பட்ட தீவிரமான பிரச்சனைகளையும், சமூக ஊடகங்களில் தணிக்கை இல்லாமல் உலா வரும் சமூக சீர்கேடான உள்ளடக்கங்களால் சிறுவர்கள் மனதளவில் பாதிக்கப்படுவதையும், வழிதவறி செல்வதற்கான வாய்ப்புகள் இருப்பதையும் நீதிமன்றம் சுட்டிக்காட்டியுள்ளது. சிறுவர்களின் பாதுகாப்பை உறுதி செய்யும் வகையில், கட்டாய வயது சரிபார்ப்பு முறைகளை அறிமுகப்படுத்துவது மற்றும் நாட்டின் டிஜிட்டல் தனிநபர் தரவு பாதுகாப்பு சட்டத்தை கடுமையாக அமல்படுத்துவது போன்ற கோரிக்கைகள் குறித்து மத்திய அரசு உரிய முடிவை எடுக்க வேண்டும் என்று டெல்லி மேல்நீதிமன்றம் அறிவுறுத்தியுள்ளது.
The Delhi High Court has directed the central government to consider taking appropriate action on a PIL seeking to restrict social media use, enforce nighttime internet bans, and introduce mandatory age verification for children under 13 to protect them from harmful online content.
