இலங்கையில் 2027ஆம் ஆண்டு ஜனவரி மாதம் வரை சுமார் 10 இலட்சம் முதல் 15 இலட்சம் வரையான மக்களுக்கு மனிதாபிமான உணவு உதவி தேவைப்படக்கூடும் என அமெரிக்காவின் ஆதரவுடன் செயல்படும் பஞ்சம் தொடர்பான முன்கூட்டிய எச்சரிக்கை அமைப்புகளின் வலையமைப்பு (FEWS NET) வெளியிட்டுள்ள அறிக்கையில் தெரிவிக்கப்பட்டுள்ளது.
வரவிருக்கும் ஒக்டோபர் முதல் டிசம்பர் மாதங்களுக்கு இடைப்பட்ட காலத்தில் நாட்டின் உணவுப் பாதுகாப்பு சூழல் கடுமையான சவால்களைச் சந்திக்கும் என்று அந்த அறிக்கை எச்சரித்துள்ளது.
2022இல் ஏற்பட்ட பொருளாதார சரிவுக்குப் பின் நகர்ப்புற வேலைவாய்ப்புகளில் சிறிய அளவில் வளர்ச்சி கண்டிருந்தாலும், உணவு, போக்குவரத்து, மின்சாரம், குடிநீர் போன்ற அடிப்படைச் செலவினங்கள் தொடர்ந்து உயர்ந்துகொண்டே செல்கின்றன.
மக்களின் வருமானம் இந்த விலை உயர்வுக்கு ஏற்ப அதிகரிக்காததால், குடும்பங்களின் பொருளாதாரச் சுமை மேலும் தீவிரமடையும் என அந்த ஆய்வறிக்கை குறிப்பிடுகிறது.
இதன் காரணமாக, குறைந்த வருமானப் பிரிவினர் தங்களின் உணவின் அளவையும் தினசரி உணவு வேளைகளையும் குறைத்துக்கொள்ளும் கட்டாயத்திற்குத் தள்ளப்பட்டுள்ளனர்.
குறிப்பாக, ஈர நில தோட்டப் பகுதித் தொழிலாளர்கள், மேற்கு, வடக்கு மற்றும் கிழக்கு கடற்கரையோர மீனவக் குடும்பங்கள், மற்றும் நகர்ப்புறங்களை ஒட்டியுள்ள வறிய மக்கள் ஆகியோர் இந்த ஆபத்தில் மிக முக்கியமாக பாதிக்கப்படக்கூடியவர்களாகச் சுட்டிக்காட்டப்பட்டுள்ளனர்.
அதுமட்டுமின்றி, போக்குவரத்து மற்றும் விவசாய இடுபொருட்களின் விலை அதிகரித்துள்ளதன் காரணமாக, செப்டம்பர் மாதம் வரை சந்தையில் உணவுப் பொருட்களின் விலைகள் உச்சத்திலேயே தொடர வாய்ப்புள்ளது.
தற்போது பெரிய அளவிலான அவசர மனிதாபிமான உணவு உதவிகள் எதுவும் இல்லாத சூழலில், எதிர்வரும் மாதங்களில் உணவுப் பாதுகாப்பு தொடர்பான சவால்கள் இன்னும் அதிகமாகலாம் என்று FEWS NET எச்சரித்துள்ளது.
According to a report by FEWS NET, around 1 to 1.5 million people in Sri Lanka may require humanitarian food assistance through January 2027 as rising living costs, stagnant incomes, and high food prices severely impact vulnerable communities amidst a lack of large-scale emergency relief programs.
