கொங்கோ ஜனநாயகக் குடியரசில் எபோலா வைரஸ் தொற்றை எதிர்த்துப் பணியாற்றி வந்த அமெரிக்கத் தொண்டு நிறுவன ஊழியர்கள் ஏழு பேர், கென்யாவில் புதிதாக உருவாக்கப்பட்ட பாதுகாப்பு மையத்தில் தாமாக முன்வந்து 21 நாட்கள் தனிமைப்படுத்திக்கொண்டுள்ளனர்.
அமெரிக்க அரசாங்கம் அண்மையில் கொண்டு வந்துள்ள புதிய பயணக் கட்டுப்பாடுகளின்படி, கொங்கோவிலிருந்து நாடு திரும்பும் அமெரிக்கக் குடிமக்கள் எவரும் நேரடியாக அமெரிக்காவிற்குள் நுழைய முடியாது. அவர்கள் மற்றொரு நாட்டில் மூன்று வாரங்கள் தங்கி, மருத்துவக் கண்காணிப்பில் இருந்த பின்னரே தாய்நாடு திரும்ப முடியும் என்ற நிபந்தனையால் இந்த நிலை ஏற்பட்டுள்ளது.
கென்யாவில் உள்ள விமானப் படைத் தளத்தில் அமெரிக்காவால் அமைப்பட்டு வரும் இந்த 50 படுக்கைகள் கொண்ட தனிமைப்படுத்தல் மையம், அந்நாட்டு மக்களிடையே பெரும் கொந்தளிப்பை ஏற்படுத்தியுள்ளது.
எபோலா தொடர்பான சுகாதார அபாயங்களை அமெரிக்கா எங்கள் நாட்டின் மீது திணிக்கிறது என கென்ய மக்கள் வெளிப்படையாகக் குற்றம் சாட்டுகின்றனர். இந்த மையத்தைக் கட்டுவதற்குத் தடை விதித்து நீதிமன்றம் உத்தரவிட்டும், செயற்கைக்கோள் தரவுகள் மூலம் பணிகள் தொடர்ந்து நடப்பது உறுதியாகியுள்ளது.
இந்த விவகாரத்தில் நீதிமன்ற உத்தரவை அலட்சியப்படுத்தியதாகக் கூறி, கென்ய சுகாதாரத்துறை அமைச்சர் மீது நீதிமன்ற அவமதிப்பு வழக்கும் பதிவு செய்யப்பட்டுள்ளது.
தற்போது தனிமையில் இருக்கும் ஏழு அமெரிக்க ஊழியர்களுக்கும் எபோலாவிற்கான எந்த அறிகுறியும் இல்லை. அவர்கள் அமெரிக்கப் பொதுச் சுகாதாரப் பிரிவின் தீவிர மருத்துவக் கண்காணிப்பில் நலமுடன் இருப்பதாகத் தெரிவிக்கப்பட்டுள்ளது.
கொங்கோவில் எபோலா தொற்று இதுவரை 828 பேரின் உயிரைப் பறித்துள்ளது. இந்த நோய்க்கு முறையான சிகிச்சை முறைகளோ அல்லது தடுப்பூசிகளோ இன்னும் கண்டறியப்படவில்லை என்பதுதான் பெரும் கவலையாக உள்ளது.
Seven American aid workers have voluntarily entered a 21-day quarantine at a new facility in Kenya due to strict U.S. travel policies requiring citizens returning from Ebola-stricken Democratic Republic of Congo to stay in a third country first. This move has sparked significant public outrage in Kenya, leading to legal challenges and accusations that the U.S. is imposing health risks on the nation, even as the facility continues construction despite court orders to halt.
