மங்காத்தா திரைப்பட பாணியில் அதிரடி காட்டிய பொலிஸ் பரிசோதகர்- போதைப்பொருள் கடத்தல் கும்பல் கைது.
சொகுசு கார் ஒன்றில் போதைப்பொருட்களைக் கடத்திச் சென்ற கும்பலை, சினிமாப் பட பாணியில் துரத்திச் சென்று மடக்கிப் பிடித்த சம்பவம் பொதுமக்களிடையே பெரும் பாராட்டைப் பெற்றுள்ளது.
இந்த அதிரடிச் சம்பவம் அம்பாறை மாவட்டம், சாய்ந்தமருது பொலிஸ் நிலையத்திற்கு உட்பட்ட பிரதான வீதியில் அமைந்துள்ள எரிபொருள் நிரப்பு நிலையத்திற்கு முன்பாக கடந்த சனிக்கிழமை (4) அரங்கேறியுள்ளது.
வழக்கமான சோதனை நடவடிக்கையின் போது, சந்தேகத்திற்கு இடமான முறையில் நடமாடிய 32, 33 மற்றும் 34 வயதுடைய மூன்று நபர்களைப் பொலிஸார் கைது செய்தனர். இவர்களிடமிருந்து 15 கிராம் 370 மில்லி கிராம் ஹெரோயின் போதைப்பொருள், கடத்தலுக்குப் பயன்படுத்தப்பட்ட சொகுசு கார், ஒரு மோட்டார் சைக்கிள், இரண்டு கைத்தொலைபேசிகள், பெருந்தொகை பணம் மற்றும் வங்கி அட்டைகள் ஆகியவை மீட்கப்பட்டுள்ளன.
இவ்வாறு கைது செய்யப்பட்ட சந்தேக நபர்கள், அவர்களிடமிருந்து பறிமுதல் செய்யப்பட்ட சான்றுப் பொருட்களுடன் மேலதிக சட்ட நடவடிக்கைகளுக்காகச் சாய்ந்தமருது பொலிஸ் நிலையத்தில் ஒப்படைக்கப்பட்டுள்ளனர்.
In a dramatic, movie-style operation, a police inspector chased down and apprehended a drug trafficking gang in Sainthamaruthu, Ampara. Police arrested three suspects aged 32, 33, and 34, seizing 15 grams and 370 milligrams of heroin, alongside a luxury car, a motorcycle, cash, mobile phones, and bank cards during the raid.
