சில வீடுகளில் பெண்களின் தலைமுடிகள் ஆங்காங்கே கொட்டிக் கிடக்கும், அதனை எடுத்து ஒரு பையில் போட்டு வைப்பது பெண்களுக்கு பெரும் வேலையாக இருக்கும். எனினும், மனைவியின் முடியால் விவாகரத்து கேட்ட கணவன் தொடர்பிலான செய்தி வெளியாகியுள்ளது.
பொதுவாக வீடுகளில் பெண்களின் தலைமுடி உதிர்ந்து கிடப்பது இயல்பான ஒன்றுதான் என்றாலும், சீனாவில் ஒரு கணவர் தனது மனைவியின் முடி கொட்டும் பிரச்சினையை முன்வைத்து விவாகரத்து கோரியுள்ள வினோத சம்பவம் நிகழ்ந்துள்ளது. 36 வயதான லீ என்ற பெண்மணி, கடுமையான சரும நோய் பாதிப்பு காரணமாக தனது தலைமுடியை இழந்துள்ளார். இதனால் அவர் தனது வயதை விட முதிர்ச்சியான தோற்றத்தைப் பெற்றதோடு, பொது இடங்களிலும் பலரின் கேலிக்கும் கிண்டலுக்கும் உள்ளாகியுள்ளார்.
இந்த இக்கட்டான சூழலில், லீயின் கணவர் அவருக்கு ஆதரவாக இருப்பதற்குப் பதிலாக அவரை முற்றிலும் புறக்கணித்துள்ளார். மனைவியின் மருத்துவச் சிகிச்சைகளுக்கு உதவி செய்யவோ அல்லது அதற்கான செலவுகளை ஏற்கவோ அவர் முன்வரவில்லை. இறுதியாக, 16 கால திருமண வாழ்க்கையை முடி உதிர்வு என்ற ஒற்றைக் காரணத்திற்காக முடித்துக் கொள்ளப்போவதாக அவர் அறிவித்துள்ளார்.
மனவேதனையடைந்த லீ, விவாகரத்தை ஏற்றுக்கொண்டு தனது கடந்த கால கசப்பான நினைவுகளை மறந்து மருத்துவச் சிகிச்சைகளில் கவனம் செலுத்த முடிவெடுத்துள்ளார். இணையதளங்களில் வைரலாகி வரும் லீயின் இந்த கதையைக் கேட்டு நெகிழ்ந்த பலரும், அவருக்குத் தங்களது ஆறுதல்களையும் ஆதரவையும் தெரிவித்து வருகின்றனர்.
_______________________________________________________________________________________________
A Chinese man has filed for divorce from his wife of 16 years, citing her excessive hair loss caused by a skin condition as the reason. Despite her health struggles and the public ridicule she faced due to her changed appearance, the husband refused to provide emotional or financial support, leading the woman, Lee, to accept the divorce and focus on her medical recovery.
