தமிழகத்தின் பொருளாதார வளர்ச்சியை அடுத்த பவளவிழா ஆண்டிற்குள் அதாவது 2036-க்குள் 1.5 ட்ரில்லியன் டாலராக மாற்ற வேண்டும் என்ற மெகா திட்டத்துடன் முதல்வர் விஜய் களமிறங்கியுள்ளார். இதற்காகப் பல புதிய தொழில் முதலீடுகளை ஈர்க்கும் நோக்கில் அவர் இப்போது லண்டன் நோக்கிப் பறந்துள்ளார். நேற்றிரவு சென்னையிலிருந்து கிளம்பிய அவர், துபாய் வழியாக லண்டனைச் சென்றடைகிறார்ப் பயணத் திட்டம் அமர்க்களமாகத் தொடங்கப்பட்டுள்ளது.
வரும் 16-ஆம் தேதி வரை லண்டனில் தங்கியிருக்கும் அவர், பல்வேறு உலகளாவிய தொழில் முதலீட்டாளர்களை நேரில் சந்தித்துப் பேசுகிறார். அதுமட்டுமின்றி, அங்கே வசிக்கும் நம்ம ஊர் தமிழ் மக்களையும் சந்தித்து உரையாடும் பல முக்கிய நிகழ்ச்சிகளிலும் அவர் கலந்துகொள்ளத் திட்டமிடப்பட்டுள்ளது.
எல்லா வேலைகளையும் முடித்துவிட்டு, வரும் 17-ஆம் தேதி காலை சரியாக 8 மணிக்குத் துபாய் வழியாக மீண்டும் சென்னை திரும்புகிறார்.
வழக்கமாக அரசு முறைப் பயணங்களுக்குத் தனி விமானத்தைப் பயன்படுத்துவது வழக்கம் என்றாலும், இந்த முறை முதல்வர் விஜய் மிகவும் எளிமையாகப் பயணிகள் விமானத்திலேயே லண்டனுக்குப் பயணம் மேற்கொண்டுள்ளார். இது பலரின் கவனத்தை ஈர்த்துள்ளது.
அவருடன் ஒரு உயர் அதிகாரிகளின் குழுவும், தொழில்துறை அமைச்சர் கீர்த்தனாவும் இந்தப் பயணத்தில் உடன் செல்கின்றனர். இதற்கிடையில், அமைச்சர் ஆதவ் அர்ஜுனா மட்டும் முன்கூட்டியே நேற்றிரவே லண்டனுக்குத் தனி விமானத்தில் புறப்பட்டுச் சென்றுவிட்டார்.
கடந்த மாதம் 13-ஆம் தேதி சென்னையில் மிகச் சிறப்பாக நடைபெற்ற உலக முதலீட்டாளர்கள் மாநாட்டில், மொத்தம் 104 முன்னணி நிறுவனங்களுடன் முக்கியமான புரிந்துணர்வு ஒப்பந்தங்கள் கையெழுத்தாகின.
இந்த மாநாட்டின் மூலம் சுமார் 1.2 லட்சம் கோடி முதலீடுகள் ஈர்க்கப்பட்ட நிலையில், முதல்வரின் இந்த முதல் வெளிநாட்டுப் பயணம் தமிழகத்தின் ஒட்டுமொத்த தொழில்துறை வளர்ச்சிக்கு ஒரு திருப்புமுனையாக இருக்கும் என்று எதிர்பார்க்கப்படுகிறது.
மறுபுறம், லண்டனில் வாழும் தமிழ்ச் சமூகத்தினரும் நமது முதலமைச்சரை அன்போடு வரவேற்கத் தேவையான அனைத்து ஏற்பாடுகளையும் மிகச் சிறப்பாகச் செய்து வருகின்றனர்.
Tamil Nadu Chief Minister Vijay has embarked on his first official foreign visit to London to attract investments aimed at boosting the state’s economy to 1.5 trillion US dollars by 2036, accompanied by key ministers and officials.
