மந்தைவெளி பகுதியில் கடந்த 2010ஆம் ஆண்டு இடம்பெற்ற கொடூரக் கொலைச் சம்பவம் தொடர்பில் குற்றஞ்சாட்டப்பட்ட இருவருக்கு மரண தண்டனை விதித்து, யாழ்ப்பாண மேல் நீதிமன்ற நீதிபதி டி.எஸ்.சூசைதாஸ் நேற்று (20) தீர்ப்பளித்தார்.
யாழ்ப்பாணம் கொடிகாமம் – மந்தைவெளி பகுதியில் 14 ஆண்டுகளுக்கு முன்பு நடந்த ஒரு பயங்கரமான கொலை வழக்கில் நேற்று இறுதித் தீர்ப்பு வழங்கப்பட்டது. 2010ஆம் ஆண்டு டிசம்பர் மாதம் 16ஆம் திகதி, 60 வயதான ஒரு குடும்பத்தலைவர் கோடாரி மற்றும் தடிகளால் தாக்கப்பட்டு மிகவும் கொடூரமான முறையில் கொலை செய்யப்பட்டார். இந்தச் சம்பவம் தொடர்பான நீண்டகால சட்டப் போராட்டம் யாழ்ப்பாண மேல் நீதிமன்றத்தில் தொடர்ந்து நடைபெற்று வந்தது.
இந்த வழக்கில் எதிரிகளுக்காக மூத்த சட்டத்தரணி என். ஸ்ரீகாந்தா வாதாடினார். சட்டமா அதிபர் திணைக்களம் சார்பாக அரச சட்டவாதி கா. நசிகேதன் முன்னிலையாகி, வழக்கின் ஆதாரங்களை முன்வைத்தார். இரு தரப்பு வாதங்களையும் கேட்ட நீதிபதி, வழக்கின் முக்கிய கட்டங்களை ஆராய்ந்தார்.
சாட்சியங்கள் மற்றும் ஆதாரங்களை முழுமையாகப் பரிசீலித்த நீதிபதி டி.எஸ்.சூசைதாஸ், குற்றம் சாட்டப்பட்டவர்கள் மீதான குற்றத்தை அரச தரப்பு சந்தேகத்திற்கு இடமின்றி நிரூபித்துள்ளதாகக் குறிப்பிட்டார். இதன்படி, மந்தைவெளிப் பகுதியைச் சேர்ந்த இருவரையும் குற்றவாளிகளாக அறிவித்த நீதிமன்றம், அவர்களுக்கு மரண தண்டனை விதித்துத் தீர்ப்பளித்தது.
The Jaffna High Court has sentenced two individuals to death for the brutal murder of a 60-year-old man in 2010. The victim was killed using an axe and clubs in the Manthaiveli area of Kodikamam. After a lengthy trial, Judge T.S. Susaithasan ruled that the prosecution had proven the charges beyond reasonable doubt, ending a case that has spanned over 14 years.
