காசாவில் பாலஸ்தீனக் குழந்தைகளை இஸ்ரேல் ராணுவம் குறிவைத்துத் தாக்குவது, அங்கு அரங்கேறி வரும் இனப்படுகொலையின் ஒரு கொடூரமான வடிவம் என்று ஐக்கிய நாடுகள் சபையின் விசாரணை ஆணைக்குழு வெளியிட்டுள்ள புதிய அறிக்கை அதிர்ச்சியை ஏற்படுத்தியுள்ளது.
பாலஸ்தீனச் சிறுவர்களுக்கு எதிராக காசாவிலும், ஆக்கிரமிக்கப்பட்ட மேற்குக்கரைப்பகுதியிலும் இஸ்ரேல் மேற்கொண்டு வரும் சர்வதேச விதிமீறல்களை இந்த அறிக்கை வெளிச்சத்திற்கு கொண்டுவந்துள்ளது. மேலும், இஸ்ரேலின் இந்த கண்மூடித்தனமான நடவடிக்கைகள் அனைத்தும் கடுமையான போர்க்குற்றங்கள் மற்றும் மனிதநேயமற்ற செயல்கள் என்று ஐநா கடுமையாகச் சாடியுள்ளது.
கடந்த 2025ஆம் ஆண்டு அக்டோபர் மாதம் போர்நிறுத்தம் கொண்டுவரப்பட்ட பிறகும் கூட, சர்வதேச விதிகளைப் பொருட்படுத்தாமல் இஸ்ரேல் தொடர்ந்து குழந்தைகளைக் கொன்று குவித்து வருவதாக இந்த அறிக்கை கவலை தெரிவிக்கிறது.
இந்த விசாரணைக் குழுவிற்குத் தலைமை தாங்கிய ஸ்ரீனிவாசன் முரளிதர் இதுபற்றிக் கூறும்போது, 2023 அக்டோபரில் போர் ஆரம்பமானதில் இருந்து காசாவில் உயிரிழந்தவர்களில் முப்பது சதவீதம் பேர் சிறுவர்கள் மட்டுமே என்ற அதிர்ச்சித் தகவலைப் பகிர்ந்தார்.
குறிப்பாக, காசாவில் உள்ள மகப்பேறு மருத்துவமனைகளையும், பச்சிளம் குழந்தைகளுக்கான பராமரிப்பு மையங்களையும் இஸ்ரேல் தொடர்ந்து குறிவைத்துத் தாக்கி வருகிறது. பாலஸ்தீன மக்களின் எதிர்காலச் சந்ததியினரையும், அவர்களின் மக்கள் தொகை பெருக்கத்தையும் அடியோடு அழிப்பதே இதன் நோக்கம் என்று அஞ்சப்படுகிறது.
தொடர்ச்சியான இந்த தாக்குதல்களால் அங்கு கருச்சிதைவுகளும், பிறவிக் குறைபாடுகளுடன் குழந்தைகள் பிறப்பதும் பெருமளவில் அதிகரித்துள்ளன. அதுமட்டுமின்றி, இஸ்ரேலின் கடுமையான பொருளாதார மற்றும் உணவு முற்றுகை காரணமாக காசா சிறுவர்கள் பசியால் மடியும் அவலமும், தடுப்பூசி தட்டுப்பாட்டால் கொடிய நோய்கள் பரவும் ஆபத்தும் நாளுக்கு நாள் தீவிரமடைந்து வருகிறது.
A shocking report by the United Nations Commission of Inquiry states that Israel’s deliberate targeting and killing of Palestinian children in Gaza and the occupied West Bank constitutes war crimes and part of an ongoing genocide. The report highlights that despite a ceasefire in October 2025, Israel continues to violate international laws, with children making up nearly 30% of casualties since October 2023. Furthermore, attacks on maternity hospitals and a severe aid blockade have led to a rise in miscarriages, birth defects, starvation, and disease, directly threatening the future generation of Palestinians.
