கல்முனை மேல் நீதிமன்றத்தில் நீண்டகாலமாக நடைபெற்று வந்த இந்த வழக்கின் இறுதித் தீர்ப்பு நேற்று (03) அறிவிக்கப்பட்டது. கடந்த 2020 ஆம் ஆண்டு முதல் 2021 ஆம் ஆண்டு வரையான காலப்பகுதியில், 14 வயது சிறுமி ஒருவரை மூன்று சந்தர்ப்பங்களில் பாலியல் துஷ்பிரயோகத்திற்கு உட்படுத்திய குற்றச்சாட்டுக்கள் சந்தேகத்திற்கு இடமின்றி நிரூபிக்கப்பட்டுள்ளன.
இந்த வழக்கில் குற்றவாளியாக அறிவிக்கப்பட்ட 27 வயதுடைய நபர், பாதிக்கப்பட்ட சிறுமியின் சொந்த சகோதரியின் கணவர் என்பது குறிப்பிடத்தக்கது. இரண்டு பிள்ளைகளுக்குத் தந்தையான இவர் செய்த இந்தக் கொடுஞ்செயலுக்காக, நீதிமன்றம் அவருக்குக் கடுமையான தண்டனைகளை வழங்கியுள்ளது. அதன்படி, நிரூபிக்கப்பட்ட ஒவ்வொரு குற்றச்சாட்டிற்கும் தலா 10 ஆயிரம் ரூபாய் வீதம் அபராதம் விதிக்கப்பட்டுள்ளது.
ஒருவேளை இந்த அபராதத் தொகையைச் செலுத்தத் தவறினால், அவருக்கு மேலதிகமாக 6 மாத கால சாதாரண சிறைத் தண்டனை அனுபவிக்க நேரிடும் என நீதிமன்றம் எச்சரித்துள்ளது. அதுமட்டுமல்லாமல், பாதிக்கப்பட்ட சிறுமிக்கு நட்டஈடாக 10 இலட்சம் ரூபாயை வழங்க வேண்டும் என்றும் தீர்ப்பில் உத்தரவிடப்பட்டுள்ளது.
இந்த நட்டஈட்டுத் தொகையை வழங்கத் தவறினால், மூன்று குற்றச்சாட்டுகளுக்கும் தலா 10 வருடங்கள் வீதம் மொத்தம் 30 வருடங்கள் கடூழிய சிறைத் தண்டனையைத் தனித்தனியாக அனுபவிக்க வேண்டும் என்றும் நீதிபதி தனது தீர்ப்பில் மிகத் தெளிவாகக் குறிப்பிட்டுள்ளார்.
_____________________________________________________________________________________________
The Kalmunai High Court has sentenced a 27-year-old man to 30 years of rigorous imprisonment for sexually abusing his 14-year-old sister-in-law on three occasions between 2020 and 2021. The convict, a father of two, was ordered to pay a fine of 10,000 LKR for each charge and 1 million LKR in compensation to the victim. Failure to pay the compensation will result in additional prison time for each charge, to be served consecutively.
