இயக்குநர் கீது மோகன்தாஸ் இயக்கத்தில் யாஷ் நடிப்பில் உருவாகி இன்று திரையரங்குகளில் வெளியாகியுள்ள டாக்சிக் படத்தின் ரசிகர்களின் விமர்சனம் வெளியாகியுள்ளது.
2026-ஆம் ஆண்டில் மிகுந்த எதிர்பார்ப்பை ஏற்படுத்திய படங்களில் டாக்சிக் மிக முக்கியமானதாகும். கேஜிஎப் 2 படத்தின் பிரம்மாண்ட வெற்றிக்குப் பிறகு யாஷ் இதில் நடித்துள்ளதால், இந்தியத் திரையுலகமே இப்படத்திற்காக ஆவலுடன் காத்திருந்தது.
கீது மோகன்தாஸின் இயக்கத்தில் உருவாகியுள்ள இப்படத்தில் ருக்மிணி வசந்த், கியாரா அத்வானி, நயன்தாரா, ஹுமா குரேஷி மற்றும் தாரா சுதாரியா போன்ற முன்னணி நட்சத்திரங்கள் இணைந்து நடித்துள்ளனர்.
இன்று உலகெங்கிலும் உள்ள தியேட்டர்களில் ரிலீ ஆகியுள்ள டாக்சிக் திரைப்படத்தின் சிறப்புக் காட்சிகளைப் பார்த்த ரசிகர்கள், தங்களது கருத்துக்களை இணையத்தில் பகிர்ந்து வருகின்றனர். படம் எப்படி வந்துள்ளது என்பதை இப்போது விரிவாகப் பார்ப்போம்.
சுமார் 3 மணி நேரம் ஓடக்கூடியதாகவும், எந்தவிதமான உயிரோட்டமும் இன்றி அதிகப்படியான வன்முறை நிறைந்த ஆக்ஷன் படமாகவும் இது அமைந்துள்ளதாக ரசிகர்கள் குறைகூறியுள்ளனர். மேலும் மோசமான கதாபாத்திரத் தேர்வுகள், அவசியமின்றித் திணிக்கப்பட்ட வயது வந்தோருக்கான காட்சிகள், ஒன்றோடு ஒன்று தொடர்பில்லாத காட்சிகள், பலவீனமான வசனங்கள் மற்றும் உணர்வுபூர்வமான ஈர்ப்பு இல்லாமை போன்ற குறைகளையும் சுட்டிக்காட்டியுள்ளனர்.
அதுமட்டுமின்றி, இயக்குனர் கீது மோகன்தாஸ் ஒரு மிகவும் சலிப்பான திரைப்படத்தைத் தந்துள்ளார் என்றும், இப்படத்தில் பாராட்டும்படியான ஒரே நல்ல விஷயம் அதன் கேமரா கோணங்களும் ஒளிப்பதிவும்தான் என்றும் ரசிகர்கள் வெளிப்படையாகத் தெரிவித்துள்ளனர்.
Fan reviews for Yash’s highly anticipated movie Toxic, directed by Geetu Mohandas, describe it as a disappointing, violent, and lifeless three-hour film with weak writing, though its cinematography received some praise.
