விமானி ஒருவர் லிவர்பூல் நகருக்கு அருகில் பறந்து, தனது வானுர்தி பயணப்பாதையை மாற்றியமைத்து வானில் ‘I’m bored’ என்ற வாசகத்தை உருவாக்கியுள்ளார். இந்தச் செயல் சமூக வலைதளங்களில் பெரும் கவனத்தைப் பெற்றுள்ளது.
தனது வழக்கமான பாதையை மாற்றி, வானில் இப்படி ஒரு வாசகத்தை விமானி உருவாக்கிய இந்த விசித்திரமான சம்பவம் குறித்து, சம்பந்தப்பட்ட விமான போக்குவரத்து அதிகாரிகள் இப்போது தீவிர விசாரணை நடத்தி வருகிறார்கள்.
விமான பயணத்தின் போது இதுபோன்ற செயல்களில் ஈடுபடுவது பாதுகாப்பு விதிமுறைகளுக்கு எதிரானது இல்லையா என்ற கேள்வியும், இது தொடர்பான பலதரப்பட்ட விமர்சனங்களும் தற்போது சமூக வலைத்தளங்களில் பரவலாக எழுந்துள்ளன.
விமானி ஏன் வேண்டுமென்றே தனது பாதையை மாற்றினார் என்பது குறித்தும், இதில் ஏதேனும் பாதுகாப்பு விதிமீறல்கள் நடந்துள்ளனவா என்பது குறித்தும் சிவில் விமானப் போக்குவரத்து ஆணையமும், காவல்துறையும் இணைந்து விரிவான விசாரணையில் இறங்கியுள்ளதாக வெளிநாட்டு ஊடகச் செய்திகள் தெரிவிக்கின்றன.
A pilot flying near Liverpool grabbed social media attention by intentionally altering his flight path to spell out “I’m bored” in the sky. Aviation authorities, the police, and the Civil Aviation Authority are now investigating the incident over potential safety violations and flight regulation breaches, sparking widespread public criticism.
