தாய்லாந்தின் புகழ்பெற்ற சுற்றுலா நகரான பட்டாயாவில், 17 வயது இளம் பெண் ஒருவர் சூட்கேஸ் ஒன்றுக்குள் சடலமாக கண்டெடுக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது. இந்த விவகாரம் தொடர்பாக அவுஸ்திரேலியாவைச் சேர்ந்த நபர் ஒருவர் போலீசாரால் அதிரடியாகக் கைது செய்யப்பட்டுள்ளார்.
துஞ்சனோக் டோன்ஹோம்லா என்ற அந்த 17 வயது சிறுமியை கடந்த வெள்ளிக்கிழமை மாலை முதல் காணவில்லை என்று அவரது தரப்பில் காவல்நிலையத்தில் புகார் அளிக்கப்பட்டிருந்தது.
இதனைத் தொடர்ந்து, சனிக்கிழமை அதிகாலை நேரத்தில் இரயில்வே தண்டவாளம் அருகே அநாதையாகக் கிடந்த ஒரு பெரிய பயணப்பொதிக்குள் இருந்து அந்த சிறுமியின் உடல் மீட்கப்பட்டது.
இந்த கொடூர சம்பவம் குறித்து போலீசார் தீவிர விசாரணையில் இறங்கினர். அப்போது சைமன் பீட்டர் கார்மன் என்ற அந்த அவுஸ்திரேலிய நபர் நாட்டை விட்டு தப்பியோட முயன்றபோது, பேங்கொக் சுவர்ணபூமி விமான நிலையத்தில் வைத்து தாய்லாந்து போலீசார் அவரை மடக்கிப் பிடித்தனர்.
போலீசாரின் முதற்கட்ட விசாரணையில், அங்கிருந்த சிசிடிவி காட்சிகளை ஆய்வு செய்தபோது பல திடுக்கிடும் உண்மைகள் வெளிவந்தன. கார்மன் அந்த சிறுமியை ஒரு அடுக்குமாடி குடியிருப்புக்கு அழைத்துச் சென்றதும், பின்னர் சில மணி நேரம் கழித்து அவர் மட்டும் ஒரு பெரிய சூட்கேஸுடன் தனியாக வெளியேறியதும் அதில் பதிவாகியிருந்தது.
மேலும், அந்த அவுஸ்திரேலிய நபர் அந்த பயணப்பொதியை ஒரு மோட்டார் சைக்கிளில் வைத்து எடுத்துச் சென்று, இரயில்வே பாதையின் ஓரமாக வீசிவிட்டுச் சென்றதும் சிசிடிவி ஆதாரங்கள் மூலம் உறுதியானது.
தற்போது கைது செய்யப்பட்டுள்ள கார்மன் மீது கொலை வழக்கு, சடலத்தை மறைக்க முயன்றது மற்றும் பாலியல் நோக்கத்திற்காக சிறுமியை கடத்திச் சென்றது உள்ளிட்ட பல்வேறு கடுமையான பிரிவுகளின் கீழ் வழக்குப்பதிவு செய்யப்பட்டுள்ளது.
ஆனால், தன் மீதான இந்த கொலைக் குற்றச்சாட்டுகளை கார்மன் திட்டவட்டமாக மறுத்துள்ளார். இது தற்காப்புக்காக எதிர்பாராமல் நடந்த ஒரு விஷயம் என்றும், சூழ்நிலை தனது கட்டுப்பாட்டை மீறிச் சென்றுவிட்டதாகவும் அவர் தரப்பில் கூறப்பட்டுள்ளது. அதேநேரம், உயிரிழந்த சிறுமியின் குடும்பத்தினருக்கு அவர் தனது வருத்தத்தைத் தெரிவித்துள்ளார்.
மகள் விபரீதமான முறையில் உயிரிழந்த செய்தி கேட்டு அவளுடைய தந்தை சொல்லொணாத் துயரத்தில் ஆழ்ந்துள்ளார். இதற்கிடையே, தவறு செய்த அந்த நபருக்கு சட்டத்தின் முன் கடுமையான தண்டனை பெற்றுத் தர வேண்டும் என அச்சிறுமியின் வளர்ப்புத் தாய் உருக்கமாகக் கோரிக்கை விடுத்துள்ளார்.
An Australian man, Simon Peter Carman, has been arrested at Bangkok’s Suvarnabhumi Airport while attempting to flee Thailand after the body of a missing 17-year-old girl, Tunchanok Tonhomla, was discovered stuffed inside a suitcase near a railway track in Pattaya. CCTV footage tracked the suspect taking the teenager to an apartment and later disposing of the heavy suitcase via motorcycle. Facing charges of murder, concealment of a body, and abduction for sexual purposes, Carman denies the murder charges, claiming the death occurred in self-defense, while the victim’s grieving family demands maximum legal punishment.
