வடகொரிய அதிபர் கிம் ஜாங் உன், தன் நாட்டின் கடற்படை வலிமையை அதிகரிக்கும் நோக்கில், 10,000 டன் எடையைக் கொண்ட ஒரு பிரம்மாண்டமான போர்க்கப்பலையும், நவீன தொழில்நுட்பத்துடனான அதிரகசிய நீர்மூழ்கி ஆயுதங்களையும் தயாரிக்குமாறு அதிகாரிகளுக்கு அதிரடி உத்தரவு பிறப்பித்துள்ளார். அடுத்த வாரம் சீன அதிபர் ஷீ ஜின்பிங் அரசுமுறைப் பயணமாக வடகொரியா வரவிருக்கும் நிலையில், இந்த முக்கிய அறிவிப்பை கிம் ஜாங் உன் வெளியிட்டிருப்பது சர்வதேச அளவில் கவனத்தை ஈர்த்துள்ளது.
பிரம்மாண்ட போர்க்கப்பல் இதன் தொடக்கமாக, சமீபத்தில் கடலில் சோதனை ஓட்டம் நடத்தப்பட்ட 5,000 டன் எடையுள்ள ‘காங் கோன்’ என்ற போர்க்கப்பலின் செயல்திறனை கிம் ஜாங் உன் தன் மகளோடு நேரில் சென்று பார்வையிட்டு ஆய்வு செய்தார்.
கடந்த வருடம் இதே போர்க்கப்பல் அறிமுக விழாவின் போது திடீரென ஒரு பக்கம் சாய்ந்து விபத்துக்குள்ளானது. அதன் பின்னர் அது முழுமையாகப் பழுதுபார்க்கப்பட்டு தற்போது மீண்டும் பயன்பாட்டிற்கு வந்துள்ளது என்பது இங்கு குறிப்பிடத்தக்கது. நாட்டின் அணுஆயுத பலத்தை மிக வேகமாக அதிகரிக்க வேண்டியது அவசியம் என்று வலியுறுத்தியுள்ள கிம், அணுஆயுதத் தாக்குதல்களைச் சமாளிக்கக் கடற்படையைப் பலப்படுத்துவது மிக முக்கியம் என்றும் கூறியுள்ளார்.
சீன ஜனாதிபதியின் வருகை வடகொரியா இந்த அளவிற்குப் பெரிய, அதாவது 10,000 டன் எடையுள்ள ஒரு போர்க்கப்பலை உருவாக்குவது பற்றிப் பேசுவது இதுவே முதல்முறை என்று அரசியல் வல்லுநர்கள் சுட்டிக்காட்டுகின்றனர். இதற்கிடையில், ரஷ்யாவுடன் வடகொரியா நெருங்கி வருவதால், அவர்களைத் தங்களது நட்பு வளையத்திற்குள் வைத்திருக்கச் சீன அதிபர் ஜூன் 8 மற்றும் 9 ஆகிய தேதிகளில் பியாங்யாங்கிற்குப் பயணம் மேற்கொள்ளத் திட்டமிட்டுள்ளார். இந்தச் சூழலில், சீன அதிபரின் வருகைக்கு முன்பாகவே தனது நாட்டின் ராணுவ மற்றும் கடற்படை ஆற்றலை உலகிற்கு நிரூபிக்கும் முயற்சியாகவே கிம் ஜாங் உன் இந்த அதிரடி நடவடிக்கைகளில் இறங்கியுள்ளார் எனத் தெரிகிறது.
Ahead of Chinese President Xi Jinping’s upcoming state visit to Pyongyang on June 8-9, North Korean leader Kim Jong Un has ordered the construction of a massive 10,000-ton warship and advanced underwater weaponry to boost the nation’s naval power. As part of this military showcase, Kim, accompanied by his daughter, recently inspected the newly repaired 5,000-ton warship ‘Kang Kon’, with analysts viewing these strategic moves as an effort to display North Korea’s military strength amidst shifting regional alliances involving China and Russia.
