கட்டுநாயக்க விமான நிலையத்தில் மனைவி காணாமல் போயுள்ளதாக, பிங்கிரிய காவல் நிலையத்தில் கணவன் முறைப்பாடு செய்துள்ளார்.
பிங்கிரிய பகுதியைச் சேர்ந்த ஐந்து பிள்ளைகளின் தாயான 39 வயதுடைய பெண் ஒருவர் கட்டுநாயக்க விமான நிலையத்தில் காணாமல் போயுள்ளார். தமரி செவ்வந்திகா விஜேசிங்க என்ற பெயருடைய இவரைக் கண்டுபிடிக்கக் கோரி காவல் நிலையத்தில் முறைப்பாடு செய்யப்பட்டுள்ளது.
கடந்த 13ஆம் திகதி அதிகாலை 5.12 மணியளவில் தனது கணவருடன் தொலைபேசியில் பேசிய அவர், வீடு திரும்பும்போது பிள்ளைகளுக்குச் சொக்லட் வாங்கி வருவதாகக் கூறியுள்ளார். அதன் பிறகு அவரைப் பற்றிய எந்தத் தகவலும் கிடைக்கவில்லை என்று குடும்பத்தினர் கவலை தெரிவிக்கின்றனர். அவரது உடைமைகள் மாயமானது குறித்தும் விமான நிலையக் காவல்துறையில் புகார் அளிக்கப்பட்டுள்ளது.
இரண்டு வருட ஒப்பந்தத்தின் அடிப்படையில் குவைத்துக்கு வேலைக்குச் சென்ற இவர், உடல்நலக்குறைவு காரணமாக ஒன்றரை ஆண்டுகளுக்குப் பிறகு நாடு திரும்பியுள்ளார் என்பது குறிப்பிடத்தக்கது. தனது மனைவியை விரைந்து கண்டுபிடித்துத் தருமாறு சம்மந்தப்பட்ட அதிகாரிகளிடம் அவரது கணவர் அவசரக் கோரிக்கை விடுத்துள்ளார்.
A husband has lodged a police complaint in Bingiriya stating that his wife, a mother of five who returned early from working in Kuwait due to health issues, went missing at the Katunayake airport after last contacting him on the 13th.
