பருத்தித்துறை துறைமுகத்திற்கு முன்னால் இரண்டு பிரபல பாடசாலைகள் அருகில் அமைந்துள்ள இராணுவ சிற்றுண்டிச்சாலையில் புகைத்தல் பொருட்கள் விற்பனையை தடை செய்வதென்றும், நகர சபையின் உரிய அனுமதிகள் பெறப்படவில்லையேல் அச்சிற்றுண்டிச்சாலையை மூடுவதென்றும் தீர்மானிக்கப்பட்டுள்ளது.
பருத்தித்துறை நகர சபையின் விசேட அமர்வு நேற்று (20) காலை தவிசாளர் வின்சன் டீ போல் டக்ளஸ் போல் தலைமையில் நடைபெற்றது. இதன்போது, பருத்தித்துறை துறைமுகத்திற்கு முன்னால் உள்ள இராணுவ சிற்றுண்டிச்சாலை தொடர்பாக ஒரு முக்கிய தீர்மானம் ஏகமனதாக எடுக்கப்பட்டது. இரண்டு முன்னணி பாடசாலைகளுக்கு மிக அருகாமையில் இந்த சிற்றுண்டிச்சாலை அமைந்துள்ளதால், அங்கு புகைத்தல் பொருட்களை விற்பனை செய்வதற்கு முழுமையாகத் தடை விதிக்கப்பட்டுள்ளது.
மேலும், இந்த இராணுவ சிற்றுண்டிச்சாலையானது நகரசபை சட்டதிட்டங்களுக்கு உட்பட்டு முறையான அனுமதியைப் பெறாமல் இயங்கி வருவதாகக் கண்டறியப்பட்டுள்ளது. எனவே, உரிய அனுமதிப்பத்திரங்கள் பெறப்படத் தவறினால் அந்த சிற்றுண்டிச்சாலையை மூடுவதற்கு நகரசபை தீர்மானித்துள்ளது. இராணுவ சிற்றுண்டிச்சாலை என்றாலும் அது உள்ளூராட்சி மன்ற விதிகளுக்கு உட்பட்டு நடக்க வேண்டும் என்பது இந்த அமர்வில் வலியுறுத்தப்பட்டது.
இதனுடன் சேர்த்து பொதுமக்களின் பாதுகாப்புக் கருதி மேலும் சில தீர்மானங்களும் நிறைவேற்றப்பட்டன. குறிப்பாக, பாடசாலை ஆரம்பிக்கும் நேரமான காலை 6:45 முதல் 8:00 மணி வரையிலும், பாடசாலை முடிவடையும் மதிய நேரமான 12:00 முதல் 2:00 மணி வரையிலும் கனரக வாகனங்கள் போக்குவரத்தில் ஈடுபடத் தடை விதிக்கப்பட்டுள்ளது. அத்துடன், போக்குவரத்திற்கு இடையூறாக நிறுத்தப்படும் தனியார் வாகனங்களுக்கு உடனடி அபராதமாக 2000 ரூபா அறவிடவும் சபை தீர்மானித்துள்ளது.
The Point Pedro Urban Council has passed a unanimous resolution to ban the sale of tobacco products at an army canteen located near two prominent schools and the harbor. The council also warned that the canteen would be shut down if it fails to obtain proper legal permits from the local authority. Additionally, the council restricted heavy vehicle traffic during school hours and introduced a 2000-rupee spot fine for private vehicles obstructing traffic.
